ជលផលខេត្តចុះបង្រាបបទល្មើសនេសាទ៤ស្រុក ខេត្តត្បូងឃ្មុំ

ជំនាញជលផលខេត្តខេត្តត្បូងឃ្មុំបានបើកប្រតិបត្តិការចុះបង្ក្រាបបទល្មើសនេសាទក្នុង៣ស្រុក គឺស្រុកអូររាំងឪ ស្រុកត្បូងឃ្មុំ ស្រុកក្រូចឆ្មារ និងស្រុកតំបែរបានមួយចំនួនធំ។

លោក អៀម ម៉ាយុងរី នាយខណ្ឌរដ្ឋបាលជលផលខេត្តត្បូងឃ្មុំបានឲ្យដឹងថា ក្នុងកិច្ចប្រតិបត្តិការនេះ យើងមានកម្លាំងសមត្ថកិច្ចខណ្ឌរដ្ឋបាលជលផលខេត្តត្បូងឃ្មុំ សហការជាមួយកម្លាំងអធិការដ្ឋានរដ្ឋបាលជលផលមេគង្គ កម្លាំងវរៈសេនាតូចកាំភ្លើងធំយោធភូមិភាគ២ កម្លាំងបញ្ជាការឯកភាពទាំង៤ស្រុករួមមាន ស្រុកអូររាំងឪ ស្រុកត្បូងឃ្មុំ ស្រុកក្រូចឆ្មារ និងស្រ្កតំបែរ។

ប្រតិបត្តិការនេះដែរមានការចូលរួមពីសហគមន៍នេសាទបានចុះធ្វើការត្រួតពិនិត្យ និងបង្ក្រាបបទល្មើសជលផលគ្រប់ប្រភេទក្នុងដែននេសាទសរុបចំនួន ១៣លើក លទ្ធផលបំផ្លាញចោលវត្ថុតាងចំនួន១៤ករណីរួមមាន៖ លូស្បៃមុងចំនួន ២៣៥មាត់ របាំងស្បៃមុង ១២ ៣៩៨ ម៉ែត្រ បង្គោលឫស្សី៧១៩១ដើម ដាយ១មាត់ ខ្សែពួចំនួន២ខ្សែ ប្រវែង៤០ម៉ែត្រ របាំងរ៉ាវ ៦២៥ម៉ែត្រ លប ឬរ៉ាវ១២មាត់ និងលែងកូនត្រីបានចំនួន ១៣០៣គីឡូក្រាមផងដែរ៕

អត្ថបទ៖ សាន វិឡែម