ព័ត៌មានជាតិ
គ្រោងចាយថវិកាប្រមាណ ៤៥០ លានរៀល រួមទាំងអញ្ជើញបវរកញ្ញាពិភពលោកចូលរួមបុណ្យទន្លេនៅខេត្តសៀមរាប
ខេត្តសៀមរាបត្រូវបានជ្រើសរើសធ្វើជាម្ចាស់ផ្ទះរៀបចំពិធីបុណ្យទន្លេ ដើម្បីជំរុញចលនាការមកទស្សនារបស់ភ្ញៀវទេសចរ និងបង្កើនការផ្សព្វផ្សាយសក្តានុពលទេសចរណ៍ខេត្តសៀមរាប។
ថ្លែងនៅក្នុងសន្និសីទកាសែតនៅរសៀលនេះ លោក សូ ម៉ារ៉ា រដ្ឋលេខាធិការក្រសួងទេសចរណ៍បានគូសបញ្ជាក់ថា ការជ្រើសរើសខេត្តសៀមរាបរៀបចំបុណ្យទន្លេនៅឆ្នាំ ២០២៤ ក៏ស្របតាមយុទ្ធនាការផ្សព្វផ្សាយ «ទស្សនាខេត្តសៀមរាបឆ្នាំ ២០២៤»។
តាមរយៈការរៀបចំបុណ្យទន្លេជារៀងរាល់ឆ្នាំបានជួយផ្សព្វផ្សាយក៏ដូចជាបង្ហាញមោទនភាពរបស់ខេត្តនីមួយៗ។ ដោយឡែកខេត្តសៀមរាបដែលទទួលធ្វើជាម្ចាស់ផ្ទះនៅឆ្នាំនេះ ក៏មានការអញ្ជើញទីភ្នាក់ងារបរទេស ក៏ដូចជាបុគ្គលល្បីៗដើម្បីមកចូលរួមផ្សព្វផ្សាយព្រឹត្តិការណ៍ទេសចរណ៍ប្រចាំឆ្នាំនេះ។
បើតាមលោក សូ ម៉ារ៉ា ពិធីបុណ្យទន្លេនៅខេត្តសៀមរាបឆ្នាំ ២០២៤ នឹងមានការចូលរួមពីបណ្តាញភ្នាក់ងារផ្សព្វផ្សាយធំៗ ជាពិសេសមានការអញ្ជើញបវរកញ្ញាពិភពលោកជាង ១០០ នាក់មកពី ៧០ ប្រទេសមកចូលរួមទស្សនានិងជួយផ្សព្វផ្សាយពីព្រឹត្តិការណ៍ដ៏ពិសេសនេះ។
ពិធីបុណ្យទន្លេលើកទី ៨ រៀបចំឡើងក្រោមប្រធានបទ “ទន្លេដើម្បីសន្តិភាព និងការអភិវឌ្ឍ” ដែលនឹងប្រព្រឹត្តទៅរយៈពេល ២ ថ្ងៃពីថ្ងៃទី១៦-១៧ ខែមីនា ឆ្នាំ២០២៤ នៅខេត្តសៀមរាប។
ព្រឹត្តិការណ៍នេះ នឹងរួមចំណែកជំរុញកំណើនភ្ញៀវទេសចរ បង្កើនការផ្សព្វផ្សាយសក្ដានុពលទេសចរណ៍របស់ខេត្តសៀមរាប និងបណ្តាខេត្តតាមដងទន្លេនៃព្រះរាជាណាចក្រកម្ពុជា ព្រមទាំងជួយជំរុញផ្សព្វផ្សាយផងដែរនូវភាពសម្បូរបែបនៃអនុតំបន់មេគង្គ។
លោក សូ ម៉ារ៉ាបានឲ្យដឹងថា ពិធីបុណ្យទន្លេនៅខេត្តសៀមរាបគ្រោងចំណាយថវិការៀបចំប្រមាណ ៤៥០ លានរៀល។ ការចំណាយនេះតិចជាងការរៀបចំបុណ្យសមុទ្រ ៣ ដង ប៉ុន្តែនឹងរៀបចំឲ្យបានល្អសម្រាប់ទទួលភ្ញៀវទេសចរជាតិនិងអន្តរជាតិមកទស្សនា។
តាមរបាយការណ៍ក្រសួងទេសចរណ៍ នៅឆ្នាំ ២០២៣ ទេសចរបរទេសមកទស្សនាកម្ពុជាមានជាង ៥ លាន ៥ សែន នាក់ ខណៈឆ្នាំ ២០២៤ កម្ពុជារំពឹងនឹងទទួលបានកំណើនភ្ញៀវទេសចរបរទេសប្រមាណ ៦ លាន ៦ សែននាក់៕
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស