ព័ត៌មានជាតិ
មន្ត្រីជាន់ខ្ពស់ ក្រើនរម្លឹកគ្រូពេទ្យយកចិត្តទុកដាក់ថែទាំអ្នកជំងឺឱ្យបានល្អ កុំរើសអើងអ្នកមាន អ្នកក្រ
លោក ស៊ិក ប៊ុណ្ណា រដ្ឋលេខាធិការក្រសួងសុខាភិបាល បានក្រើនរម្លឹកដល់ទន្តបណ្ឌិត ទន្តពេទ្យ ដែលកំពុងប្រកបវិជ្ជាជីវៈសុខាភិបាលទាំងអស់ ត្រូវគោរពក្រមសីលធម៌វិជ្ជាជីវៈសុខាភិបាលឱ្យបានខ្ជាប់ខ្ជួន និងត្រូវគោរពស្រលាញ់ យកចិត្តទុកដាក់ថែទាំព្យាបាលអ្នកជំងឺឱ្យបានល្អ និងកុំរើសអើងអ្នកមាន អ្នកក្រ។
ថ្លែងក្នុងសន្និសីទ និងពិព័រណ៍ទន្តសាស្ត្រប្រចាំឆ្នាំ លើកទី ២២ ក្រោមប្រធានបទ “ការអភិវឌ្ឍឥតឈប់ឈរ នៃវិស័យទន្តសាស្ត្រជាសកល” កាលពីព្រឹកថ្ងៃទី ៦ មីនានេះ លោករដ្ឋលេខាធិការ បានមានប្រសាសន៍ថា អ្នកប្រកបវិជ្ជាជីវៈវិស័យសុខាភិបាលត្រូវអនុវត្តឱ្យបានខ្ជាប់ខ្ជួនទៅតាមច្បាប់ស្តីពីការគ្រប់គ្រង និងប្រកបវិជ្ជាជីវៈសុខាភិបាល។ បុគ្គលទាំងឡាយដែលមានបំណងប្រកបវិជ្ជាជីវៈសុខាភិបាល ត្រូវចុះបញ្ជីការនៅក្នុងគណៈវិជ្ជាជីវៈសុខាភិបាល និងអ្នកប្រកបវិជ្ជាជីវៈសុខាភិបាល ត្រូវមានអាជ្ញាប័ណ្ណប្រកបវិជ្ជាជីវៈសុខាភិបាលដែលមានសុពលភាព គោរពក្រមសីលធម៌បទដ្ឋានវិជ្ជាជីវៈលើវិជ្ជាជីវៈ និងត្រូវអនុវត្តការងារក្នុងដែនកំណត់វិជ្ជាជីវៈសុខាភិបាលរបស់ខ្លួន។
លោករដ្ឋលេខាធិការ បន្តថា ដើម្បីធ្វើឱ្យប្រសើរឡើងថែមទៀតនូវវិស័យសុខាភិបាល ក៏ដូចជាបង្កើនគុណភាព និងសមត្ថភាព ចាំបាច់ណាស់ដែលទន្តបណ្ឌិត ទន្តពេទ្យទាំងអស់ ត្រូវខិតខំប្រឹងប្រែងសិក្សាជាបន្តបន្ទាប់នូវបច្ចេកវិទ្យាថ្មីៗ ពីបណ្តារៀមច្បង ដែលមានបទពិសោធច្រើន ព្រមទាំងសហការជាមួយទន្តបណ្ឌិតអន្តរជាតិ ដើម្បីបង្កើននូវសមត្ថភាពខ្ពស់កាន់តែសុក្រឹតថែមទៀត។
លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ថ្មីៗនេះ បានដាក់ចេញនូវវិធានការ ៥ ចំណុច ដល់ថ្នាក់ដឹកនាំមន្ទីរពេទ្យជាតិ និងអង្គភាពផ្តល់សេវាសុខាភិបាល ក្រោមឱវាទ ដើម្បីផ្តល់សេវាជូនពលរដ្ឋប្រកបដោយគុណភាព និងប្រសិទ្ធភាពខ្ពស់ រក្សាបាននូវការជឿទុកចិត្ត និងការពេញចិត្ត ពេញថ្លើម ពីប្រជាពលរដ្ឋ។
វិធានការ ៥ ចំណុច រួមមាន ៖ ១-ការគ្រប់គ្រងមន្ទីរពេទ្យជារួម ,២-កិច្ចការដឹកនាំពិនិត្យ និងតាមដានគុណភាពសេវាថែទាំ និងព្យាបាល រាប់ទាំងសេវាសង្គ្រោះបន្ទាន់ ប្រពោធនកម្ម វះកាត់ សម្ភព និងសង្គ្រោះទារកភ្លាមៗ ,៣-កិច្ចការប្រើប្រាស់ និងថែទាំសម្ភារៈបរិក្ខារវេជ្ជសាស្ត្រ និងការវិនិយោគ អភិវឌ្ឍន៍បន្ថែម ,៤-ការគ្រប់គ្រងធនធានមនុស្ស និងបង្កើនសមត្ថភាពជំនាញ រួមមានការគ្រប់គ្រងបុគ្គលិក និងការងាររដ្ឋបាលទូទៅ ការពង្រឹងគុណភាពការទំនាក់ទំនងសាធារណៈ និង ៥-ការងារអធិការកិច្ច កំណែទម្រង់ សំដៅប្រសិទ្ធភាព សុវត្ថិភាព និងគុណភាពលើគ្រប់ទិដ្ឋភាពគ្រប់គ្រង និងដឹកនាំ ជាដើម៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ