ព័ត៌មានជាតិ
ឆ្នាំ ២០២៥ ប្រតិភូសហភាពអឺរ៉ុបនឹងចុះមកវាយតម្លៃស្តង់ដាសុវត្ថិភាពផលិតផលជលផលកម្ពុជា ដើម្បីនាំចេញទៅទីផ្សារអឺរ៉ុប
នាយកដ្ឋានសុខភាពរបស់សហភាពអឺរ៉ុប នឹងបញ្ជូនប្រតិភូមកប្រទេសកម្ពុជាដើម្បីពិនិត្យវាយតម្លៃពីសុវត្ថិភាពផលិតផលជលផលកម្ពុជា ដើម្បីនាំចេញទៅទីផ្សារប្រទេសអឺរ៉ុប។
លោក Bryan Fornari ប្រធានកិច្ចសហប្រតិបត្តិការនៃប្រតិភូសហភាពអឺរ៉ុបប្រចាំនៅកម្ពុជាបានឲ្យដឹងថា នៅឆ្នាំ២០២៥ ប្រតិភូមកពីសហភាពអឺរ៉ុបនឹងធ្វើដំណើរចុះមកទស្សនកិច្ចតាមសហគ្រាសផលិតផលជលផលមួយចំនួនក្នុងប្រទេសកម្ពុជា ដើម្បីធ្វើសវនកម្មលើលក្ខខណ្ឌសុវត្ថិភាពចំណីអាហារ ដើម្បីបើកផ្លូវនាំទៅទីផ្សារអឺរ៉ុប។
ទីផ្សារសហភាពអឺរ៉ុបមានតម្លៃខ្ពស់ និងទំហំធំ ដែលមានប្រទេសជាសមាជិកសរុប ២៧ ប្រទេស។ ការទទួលលក្ខខណ្ឌគ្រប់គ្រាន់ទៅអឺរ៉ុប ក៏ដូចជាបើកផ្លូវសម្រាប់ផលិតផលជលផលប្រទេសកម្ពុជាពង្រីកទីផ្សារទៅកាន់គោលដៅប្រទេសផ្សេងៗទៀតលើពិភពលោក ក៏ដូចជាអាចទាក់ទាញវិនិយោគិនបន្ថែមវិនិយោគលើវិស័យជលផលក្នុងប្រទេសកម្ពុជា។ នេះបើតាមលោក Bryan Fornari។
លោក Bryan Fornari ប្រធានកិច្ចសហប្រតិបត្តិការនៃប្រតិភូសហភាពអឺរ៉ុបប្រចាំនៅកម្ពុជា
យ៉ាងណាមិញ លោក Bryan Fornari បានគូសបញ្ជាក់ថា ការនាំផលិតផលជលផលកម្ពុជាទៅផ្សារអឺរ៉ុប ត្រូវការលក្ខខណ្ឌតឹងរ៉ឹងទាក់ទងសុវត្ថិភាព និងស្តង់ដាគុណភាពខ្ពស់។
បើតាមលោក Bryan Fornari មកដល់ពេលនេះ មិនទាន់មានផលិតផលជលផលរបស់កម្ពុជាណាមួយ ត្រូវបាននាំចេញទៅទីផ្សារអឺរ៉ុបជាផ្លូវការនៅឡើយទេ។
បញ្ហាប្រឈមរបស់ផលិតផលជលផលរបស់កម្ពុជាពិបាកនាំចេញទៅទីផ្សារក្រៅប្រទេស គឺស្តង់ដាសុវត្ថិភាពចំណីអាហារ។ ដោយមានការគាំទ្រពីអង្កការ UNIDO ដែលទទួលជំនួយថវិកាពីសហភាពអឺរុប គម្រោងអភិវឌ្ឍន៍ជលផលក្រោយប្រមូលផល CAPFish-Capture ជាគម្រោងមួយដែលបង្កើតឡើងក្នុងគោលបំណងជួយអភិវឌ្ឍន៍ផលិតផលជលផលក្រោយប្រមូលផលនៅកម្ពុជា ដើម្បីឲ្យមានស្តង់ដាលក្ខខណ្ឌចូលទីផ្សារអន្តរជាតិ។
កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ
កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទបានឲ្យដឹងថា មានសហគ្រាសជលផលនៅកម្ពុជាចំនួន ១៧ ដែលទទួលបានវិញ្ញាបនបត្រនិមិត្តសញ្ញាគុណភាពផលិតផលកម្ពុជា Cambodia Quality Seal (CQS) ដែលនឹងមានលទ្ធភាពខ្ពស់ក្នុងការនាំផលិតផលកែច្នៃរបស់ខ្លួនទៅលក់នៅទីផ្សារប្រទេសអឺរ៉ុប។
កន្លងទៅថ្មីៗនេះ ក៏មានសហគ្រាសកែច្នៃត្រីងៀតមួយនៅខេត្តសៀមរាប ទទួលបានភ្លើងខៀវនាំត្រីងៀតទៅលក់នៅប្រទេសអូស្រ្តាលី។ ការនាំផលិតផលជលផលរបស់កម្ពុជាទៅប្រទេសអូស្ត្រាលីបញ្ជាក់បានថា ផលិតផលជលផលរបស់កម្ពុជាមានស្តង់ដាគ្រប់គ្រាន់សម្រាប់នាំទៅអឺរ៉ុប។ កញ្ញា អ៊ឹម រចនា បញ្ជាក់បន្ថែម៕
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២០ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន