ព័ត៌មានជាតិ

បង្ហាញឈ្មោះសណ្ឋាគារ ផ្ទះសំណាក់ នៅខេត្តរតនគិរី មានជាង ៤០ កន្លែង ងាយស្រួលភ្ញៀវកក់ស្នាក់នៅពេលទៅកម្សាន្ត

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

អាជ្ញាធរខេត្តរតគិរីបានបង្ហាញបញ្ជីឈ្មោះសណ្ឋាគារ និងផ្ទះសំណាក់ នៅក្នុងខេត្តរតនគិរី។ បើតាមរបាយការណ៍របស់មន្ទីរទេសចរណ៍ខេត្តរតនគិរី ខេត្តនៅភាគឦសាននេះមានសណ្ឋាគារកំពុងបើកដំណើរការអាជីវកម្មសរុបមានចំនួន ១៦ កន្លែង ស្មើ ៥៧៤ បន្ទប់ និងផ្ទះសំណាក់ចំនួន ៣១ កន្លែងស្មើ ៥៨៤ បន្ទប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សណ្ឋាគារទាំង ១៦ កន្លែងក្នុងខេត្តរតនគិរីកំពុងបើកអាជីវកម្មផ្តល់សេវាកម្មស្នាក់នៅដល់ភ្ញៀវទេសចរមានដូចជា៖ ម៉ូតែលកាឡាក់ស៊ីI, អ៊ាង មុន្នីរតនៈ, យក្សឡោម, រតនៈសម្បត្តិ, សុវណ្ណគិរី, គជ់ មាស, រតនគិរីប៊ូទិក, ជាងអេងរីសត, ទែរ៉ូ, មរកតរតនៈ, ភូមិខ្មែរ រីសត, រតនគិរីម៉នីងស្តា, រតនគិរីផារាដាយស៍, គជ់វារី, ស៊ីត្រា និងមល្លីកា។

ដោយឡែកផ្ទះសំណាក់ក្នុងខេត្តមានឈ្មោះដូចជា៖ រតនៈពិសិដ្ឋ, មាន មាន, ប៉ាន់ សុភេន, ឡន ពិសី, ទ្រី ថប់, ឆេងឡុក បឹងកន្សែង, វីរ៉ា, វ៉ារីដា, មានហេង, មួន រ័ត្ននៈ, ផុន ណាវី១, ផុន ណាវី២, ហេង រតនៈវីឡា, ឌីធីពិសី, ពេជ្រហ៊ុន, ពន្លឺពេជ្រ, បក្សីមាស, ផ្កាព្រៃ, សាន្តរ៉ា, ប្រាក់ ដារ៉ា, ចន្ទ រតនៈ, មិត្តភាព សំណាងល្អ, ក្រុង ថ្មី, ម៉េងលីន, រតនៈពិទូ, ហាវៃ, ធី អាត, រតនះសួស្តី, សម្បត្តិមានហេង, លី ឆាយ និងមិត្តភាព។

ក្រៅពីសេវាកម្មស្នាក់នៅ ខេត្តរតនគិរីក៏មានសេវាកម្មទេសចរណ៍ផ្សេងទៀតមានភោជនីយដ្ឋាន អាហារដ្ឋានចំនួន ៤៦ កន្លែង មណ្ឌលកម្សាន្តមនុស្សពេញវ័យចំនួន ៥ កន្លែង និងអាជីវកម្មហាងម៉ាស្សាចំនួន ៩ កន្លែងផងដែរ។

លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរីបានប្រាប់កម្ពុជាថ្មីឲ្យដឹងថា កន្លងទៅនេះ ក្រុមការងារផ្នែកសណ្ឋាគារ និងបដិសណ្ឋារកិច្ចខេត្តបានចុះស្រង់ទិន្នន័យសណ្ឋាគារ ផ្ទះសំណាក់ និងរមណីយដ្ឋាន ដើម្បីធ្វើបច្ចុប្បន្នភាពឱ្យបានច្បាស់លាស់។

ពាក់ព័ន្ធតម្លៃនិងសេវាកម្មស្នាក់នៅក្នុងខេត្តរតនគិរី លោក ង៉ែត ពិទូ បានអះអាងថា អត់មានបញ្ហាទេកន្លងទៅ។ ភ្ញៀវទេសចរអាចទទទួលយកបាននូវការស្នាក់នៅទាំងតម្លៃ និងបន្ទប់ស្នាក់នៅ ដោយមិនមានការឡើងថ្លៃហួសហេតុ។

ខេត្តរតនគិរីមានរមណីយដ្ឋានទេសចរណ៍ និងគោលដៅទេសចរណ៍ចំនួន ៣០ កន្លែង ក្នុងនោះរមណីយដ្ឋានបែបធម្មជាតិមាន ២២ កន្លែង រមណីយដ្ឋានបែបវប្បធម៌មានចំនួន ២ កន្លែង និងរមណីយដ្ឋានបែបកែច្នៃមាន ០៦ កន្លែង៕