ព័ត៌មានជាតិ

អតីតយុទ្ធជនគ្រប់រាជធានីខេត្ត បើកនូវរបបសន្តិសុខសង្គមតាមសាខាធានាគារអេស៊ីលីដា និងកាណាឌីយ៉ាបានថ្ងៃនេះ

បានផុស

៥ years មុន

នៅ

ថ្ងៃសុក្រ ១២ មីនា ២០២១

ដោយ

បើយោងតាមសេចក្តីជូនដំណឹងរបស់បេទាជាតិអតីតយុទ្ធជន នៃក្រសួងសង្គមកិច្ច អតីតយុទ្ធជន និងយុវនីតិសម្បទា ស្តីពីការបម្រើសេវាបើកផ្តល់របបសន្តិសុខសង្គម ប្រចាំខែមីនា ឆ្នាំ២០២១ លើកទី១ ជូនអតីតយុទ្ធជន និងគ្រួសារអតីតយុទ្ធជន ដែលនឹងប្រព្រឹត្តទៅនៅថ្ងៃទី១២ មីនា ឆ្នាំ២០២១នេះនៅតាមធនាគារអេស៊ីលីដា ភីអិលស៊ី និងកាណាឌីយ៉ា ក.អ ទូទាំងប្រទេស។

សេចក្តីជូនដំណឹងនៃរបបបេទ្បាជាតិបានបញ្ជាក់ថា ចំពោះគ្រប់បងប្អូនអតីតយុទ្ធជនទូទាំងប្រទេសកម្ពុជាអាច បើករបបសន្តិសុខសង្គមបានតាមរយៈធនាគារពីរកន្លែង គឺ ធនាគារអេស៊ីលីដា និង ធនាគសរកាណាឌីយ៉ា នៅថ្ងៃនេះសម្រាប់ខែមិនាឆ្នាំ២០២១លើកទី១ពីថ្ងៃទី១២ មិនានេះតទៅ។ បងប្អូនអតីតយុទ្ធជន នៅតាមបណ្តាខេត្តទាំង២៤ អាចបើករបបសន្តិសុខសង្គមនៅតាមគ្រប់ធនាគារអេស៊ីលីដាចាប់ពីព្រឹកថ្ងៃទី១២ មីនាឆ្នាំ២០២១តទៅ ។ ដោយឡែកសម្រាប់បងប្អូន អតីតយុទ្ធជន នៅរាជធានីអាចបើករបបសន្តិសុខសង្គមនៅតាមគ្រប់សាខាធនាគារកាណាឌីយ៉ា ក .អ បាននៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរុបមកក្រសួងសង្គមកិច្ចបានអនុវត្តគោលការណ៍ដ៏ល្អនេះ ក្រោយមានគោលនយោបាយយុទ្ធសាស្ត្ររបស់រាជរដ្ឋាភិបាលធ្វើឲ្យបងប្អូនអតីតយុទ្ធជនកាន់តែងាយស្រួល ក្នុងការបើករបបសន្តិសុខសង្គមសម្រាប់ដោះស្រាយជីវភាពរៀងៗខ្លួនបានមួយកម្រឹតថែមទៀតផងដែរ៕

អត្ថបទ៖ វិមាន