ខេត្តកែប ទទួលបានភ្ញៀវទេសចរជិត១០ម៉ឺននាក់ ក្នុងឱកាសព្រះរាជពិធីបុណ្យអុំទូក

តាមរបាយការណ៍ពីមន្ទីរទេសចរណ៍ខេត្តកែប បានឲ្យដឹងថា រយ:ពេល៣ថ្ងៃ គិតចាប់ពីថ្ងៃទី១៤ រហូតដល់ថ្ងៃទី១៦ ខែវិច្ឆិកា ឆ្នាំ២០២៤ នៃព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែ ខេត្តកែបទទួលបានភ្ញៀវទេសចរសរុបចំនួន ៩៩,២៧៩នាក់ បានមកសម្រាកកម្សាន្តនៅខេត្តកែប បើប្រៀបធៀបនឹងរយៈពេលដូចគ្នាឆ្នាំ២០២៣ កើនឡើង៧.០២% ក្នុងនោះភ្ញៀវទេសចរជាតិមានសរុប ចំនួន ៩៨៧៨១នាក់ បើប្រៀបធៀបរយៈពេលដូចគ្នាឆ្នាំ២០២៣ កើនឡើង៧.៤១%។ ភ្ញៀវទេសចរអន្តរជាតិចំនួន ៤៩៨នាក់ បើប្រៀបធៀបរយៈពេលដូចគ្នាឆ្នាំ២០២៣ ថយចុះ៣៧.៤៣%។

ចំពោះស្ថានភាពទូទៅ នៅតាមសេវាកម្មរមណីយដ្ឋាន សហគមន៍ទេសចរណ៍ បានប្រព្រឹត្តទៅជាប្រក្រតី ពុំមានបាតុភាពអ្វីកើតឡើងគួរឲ្យកត់សំគាល់នោះទេ។

សភាពការពាក់ព័ន្ធ និងភ្ញៀវទេសចរការទទួលពាក្យបណ្តឹងគ្មានបាតុភាពផ្សេងៗដែលបង្កឡើងធ្វើអោយប៉ះពាល់ដល់ភ្ញៀវទេសចរមិនមានកើតឡើងទេដោយមន្ទីរបានសហការជាមួយអាជ្ញាធរក្រុង និងនគរបាលប៉ុស្តិ៍ លើគោលដៅទេសចរដើម្បីផ្សព្វផ្សាយ និងអប់រំណែនាំផ្ទាល់ដល់អាជីវករ នៅគោលដៅសំខាន់ៗតាមតំបន់ឆ្នេរភូមិសាស្ត្រខេត្តកែបផងដែរ៕

អត្ថបទ៖ សឹង រ៉ាត់