ព័ត៌មានជាតិ

ប.ស.ស បើកវគ្គបណ្ដុះបណ្ដាលស្ដីពី “ការអនុវត្តថវិកាតាមនីតិវិធី និងការគ្រប់គ្រងហិរញ្ញវត្ថុ”

បានផុស

៤ ខែ មុន

នៅ

ថ្ងៃសុក្រ ១៣ ធ្នូ ២០២៤

ដោយ

បេឡាជាតិសន្តិសុខសង្គម(ប.ស.ស.) បានបើកវគ្គបណ្ដុះបណ្ដាលស្ដីពី “ការអនុវត្តថវិកាតាមនីតិវិធី និងការគ្រប់គ្រងហិរញ្ញវត្ថុ” នៅទីស្នាក់ការកណ្ដាល ប.ស.ស រាជធានីភ្នំពេញ ដោយមានការចូលរួមពីថ្នាក់ដឹកនាំ មន្ត្រី និងបុគ្គលិក របស់នាយកដ្ឋានគ្រប់គ្រងថវិកា ហិរញ្ញវត្ថុ និងគណនេយ្យ នៃបេឡាជាតិសន្តិសុខសង្គម ប្រមាណជាង ២០ រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបើកវគ្គបណ្ដុះបណ្ដាលស្ដីពី “ការអនុវត្តថវិកាតាមនីតិវិធី និងការគ្រប់គ្រងហិរញ្ញវត្ថុ”កាលពីថ្ងៃទី ១២ ធ្នូ លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា តាមរយៈវគ្គបណ្ដុះបណ្ដាលនេះ សង្ឃឹម និងជឿជាក់យ៉ាងមុតមាំថា ថ្នាក់ដឹកនាំ មន្ត្រី និងបុគ្គលិករបស់នាយកដ្ឋានគ្រប់គ្រងថវិកា ហិរញ្ញវត្ថុ និងគណនេយ្យ ទាំងអស់ នឹងយកចិត្តទុកដាក់ស្ដាប់ការធ្វើបទបង្ហាញ និងសាកសួរទៅកាន់គ្រូឧទ្ទេស ឱ្យបានផុសផុល ដើម្បីទទួលបានចំណេះដឹង និងបទពិសោធថ្មីៗ យកទៅបំពេញការងារក្នុងអង្គភាព ប្រកបដោយប្រសិទ្ធភាព និងបន្តចែករំលែកចំណេះដឹងទៅដល់ក្រុមការងារផ្សេងៗ ទៀត។

គួរបញ្ជាក់ថា វគ្គបណ្ដុះបណ្ដាលស្ដីពី “ការអនុវត្តថវិកាតាមនីតិវិធី និងការគ្រប់គ្រងហិរញ្ញវត្ថុ”ខាងលើនេះ មានការធ្វើបទបង្ហាញដោយ លោក ជា ម៉េង ប្រធានការិយាល័យ នៃអគ្គនាយកដ្ឋានថវិកា និងលោក ស៊ុន សុវណ្ណសាល អនុប្រធានការិយាល័យ នៃអគ្គនាយកដ្ឋានថវិកា នៃក្រសួងសេដ្ឋកិច្ច និងហិរញ្ញវត្ថុ៕

អត្ថបទ ៖ សំអឿន