ព័ត៌មានជាតិ

ក្រុមការងារបច្ចេកទេសគណនេយ្យ នៃអគ្គនាយកដ្ឋានរតនាគារជាតិ មកស្វែងយល់ពីការអនុវត្តថវិការបស់ ប.ស.ស

បានផុស

២ years មុន

នៅ

ថ្ងៃពុធ ២៥ ធ្នូ ២០២៤

ដោយ

លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស តំណាង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ កាលព្រឹកថ្ងៃទី ២៤ ខែធ្នូ ឆ្នាំ ២០២៤ បានដឹកនាំក្រុមការងារបច្ចេកទេសគណនេយ្យ នៃ ប.ស.ស. ជួបប្រជុំពិភាក្សាជាមួយក្រុមការងារបច្ចេកទេសគណនេយ្យ នៃអគ្គនាយកដ្ឋានរតនាគារជាតិ ដែលដឹកនាំដោយលោក ឈាន ហៀង ទីប្រឹក្សាក្រសួងសេដ្ឋកិច្ច និងហិរញ្ញវត្ថុ នៅទីស្នាក់ការកណ្ដាល ប.ស.ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស បានបញ្ជាក់ឱ្យដឹងថា ជំនួបប្រជុំពិភាក្សានេះ ធ្វើឡើងដើម្បីសិក្សាស្វែងយល់អំពីការអនុវត្តថវិកា របស់ ប.ស.ស. និង ការគ្រប់គ្រងហិរញ្ញវត្ថុ និងការអនុវត្តចំណូល-ចំណាយថវិកា ស្របតាមនីតិវិធីដំណើរការ នៃគ្រឹះស្ថានសាធារណៈរដ្ឋបាល។

គួរបញ្ជាក់ថា រហូតមកទល់ពេលនេះ ប.ស.ស មានសមាជិកកើនឡើងដល់ជាង ២,៧ លាននាក់ហើយ នៅទូទាំងប្រទេស ក្នុងនោះបុគ្គលស្ថិតក្នុងវិស័យសាធារណៈមានចំនួនជិត ៥០ ម៉ឺននាក់ បុគ្គលក្រោមបទប្បញ្ញត្តិច្បាប់ស្ដីពីការងារមានចំនួនជាង ១,៦ លាននាក់ បុគ្គលស្វ័យនិយោជន៍មានចំនួនជាង ៤៣ ម៉ឺននាក់ និងអ្នកក្នុងបន្ទុកសមាជិក ប.ស.ស ចំនួនជិត ១៤ ម៉ឺននាក់ ដោយជាសហព័ទ្ធ (ប្រពន្ធ ឬ ប្តី) មានចំនួន ៣៦ ៦១២ នាក់ និងកូនមានចំនួន ១០២ ៧៨៨ នាក់៕

អត្ថបទ ៖ សំអឿន