ព័ត៌មានជាតិ
អ្នកនាំពាក្យ ៖ ត្រឹមដើមឆ្នាំនេះ ប.ស.ស មានសមាជិកកើនឡើងជិត ២ លាន ៨ សែននាក់ នៅទូទាំងប្រទេស
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ០៤ កុម្ភៈ នេះថា គិតត្រឹមសប្ដាហ៍ទី ០៤ ខែមករា ឆ្នាំ ២០២៥ នេះ ប.ស.ស មានសមាជិកកើនឡើងដល់ ២ ៧៨៥ ៥២៦ នាក់ ស្រី ១ ៥៤៤ ២២៣ នាក់ ក្នុងនោះ បុគ្គលស្ថិតក្នុងវិស័យសាធារណៈចំនួន ៤៩៥ ៥៩៣ នាក់, បុគ្គលក្រោមបទប្បញ្ញត្តិច្បាប់ស្តីពី ការងារចំនួន ១ ៦០៣ ៤៨២ នាក់, បុគ្គលស្វ័យនិយោជន៍ ចំនួន ៥២៣ ០១៣ នាក់, និងអ្នកក្នុងបន្ទុកសមាជិក ប.ស.ស ចំនួន ១៦៣ ៤៣៨ នាក់។
លោកបានបន្តថា ជាក់ស្តែងនៅក្នុងសប្ដាហ៍នេះ ប.ស.ស បានចុះបញ្ជីកាសមាជិកថ្មី ចំនួន ៧ ៨៤៥ នាក់ ក្នុងនោះ បុគ្គលស្ថិតក្នុងវិស័យសាធារណៈ ចំនួន ២៥៦ នាក់, បុគ្គលក្រោមបទប្បញ្ញត្តិច្បាប់ស្តីពីការងារ ចំនួន ៥ ០៦៣ នាក់, បុគ្គលស្វ័យនិយោជន៍ ចំនួន ១៨៤ នាក់, និងអ្នកក្នុងបន្ទុកសមាជិក ប.ស.ស ចំនួន ២ ៣៤២ នាក់។ សមាជិកមកប្រើប្រាស់សេវាមូលដ្ឋានសុខាភិបាលមានចំនួន ១២២ ៣០៩ ដង។
បើគិតពីដើមឆ្នាំ ២០២៥ ប.ស.ស. បានចុះបញ្ជីកាសមាជិកថ្មីចំនួន ៧០ ៧៦៧ នាក់ និងសមាជិកមកប្រើប្រាស់សេវាមូលដ្ឋានសុខាភិបាល ៦២២ ០៦២ ដង។
លោក កត្តា អ៊ន បានបន្តទៀតថា ការកើនឡើង នៃចំនួនសមាជិក ប.ស.ស ជាបន្តបន្ទាប់នេះ ដោយសារប្រជាពលរដ្ឋមានជំនឿទុកចិត្តមកលើសេវា ប.ស.ស និងយល់ដឹងពីអត្ថប្រយោជន៍ផ្សេងៗ។ មានប័ណ្ណ ប.ស.ស. ជួយសម្រាលបន្ទុកនៅក្នុងគ្រួសារបានយ៉ាងច្រើននៅពេលទៅពិគ្រោះ និងព្យាបាលជំងឺផ្សេងៗ នៅតាមមូលដ្ឋានសុខាភិបាលជាដៃគូជាមួយ ប.ស.ស ព្រោះរាល់ការចំណាយគឺជាបន្ទុករបស់ ប.ស.ស។
លោក កត្តា អ៊ន បានរំលឹកថា ចាប់តាំងពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានប្រកាសដាក់ឱ្យអនុវត្តជាផ្លូវការរបបសន្តិសុខសង្គមផ្នែកថែទាំសុខភាពតាមរបបភាគទាន ដោយស្ម័គ្រចិត្ត កាលពីថ្ងៃទី ១៤ ខែវិច្ឆិកា ឆ្នាំ ២០២៣ កន្លងទៅនេះ ក្រុមការងារ នៃក្រសួងការងារ និងបណ្ដុះបណ្ដាលវិជ្ជាជីវៈ បាននិងកំពុងចុះផ្សព្វផ្សាយតាមរាជធានី-ខេត្ត និងចុះយុទ្ធនាការផ្ទាល់តាមរោងចក្រ សហគ្រាស ផ្ទះជួល ផ្សារ និងទីប្រជុំជនយ៉ាងសកម្មនៅរាជធានី-ខេត្ត ទូទាំងប្រទេស រួមនឹងការផ្សព្វផ្សាយតាមបណ្ដាញសង្គមផ្លូវការ Facebook, Telegram, YouTube, TikTok និងតាមបណ្ដាញសង្គមរបស់សិល្បករ តារាចម្រៀង និងអ្នកមានប្រជាប្រិយភាពក្នុងបណ្ដាញសង្គមយ៉ាងផុសផុល។
បន្ថែមពីនេះ បេឡាជាតិសន្តិសុខសង្គម ក៏ទទួលកុមារចូលជាសមាជិកផងដែរ ដោយទទួលបានអត្ថប្រយោជន៍ជាច្រើនដូចជា ការព្យាបាល និងថែទាំវេជ្ជសាស្ត្រ ដោយឥតគិតថ្លៃ នៅគ្រប់មន្ទីរពេទ្យដៃគូ ប.ស.ស ទូទាំងប្រទេស ទាំងមន្ទីរពេទ្យសាធារណៈ និងឯកជន ក្នុងនោះដែរ ប្រសិនបើកុមារជួបគ្រោះថ្នាក់ និងជំងឺជាអកុសលរហូតដល់ស្លាប់បាត់បង់ជីវិត បេឡាជាតិសន្តិសុខសង្គម នឹងផ្តល់ប្រាក់វិភាជន៍បូជាសពផងដែរ។
លោក កត្តា អ៊ន បានបញ្ជាក់ថា ការអនុវត្តរបបសន្តិសុខសង្គមផ្នែកថែទាំសុខភាពលើកុមារ គឺជាការគិតគូរដល់សុខុមាលភាពរបស់កុមារ ជាពិសេសជួយឱ្យសុខភាពរបស់កុមារល្អប្រសើជាងមុន ដែលអាចជួយទៅដល់ធនធានមនុស្សប្រកបដោយសក្ដានុពលភាពនាពេលអនាគត។
លោក កត្តា អ៊ន បានអំពាវនាវដល់ម្ចាស់រោងចក្រសហគ្រាសទាំងអស់ ត្រូវគោរពច្បាប់ការងារឱ្យបានត្រឹមត្រូវ ដោយត្រូវបំពេញបែបបទ និងចុះបញ្ជិការោងចក្រសហគ្រាស និងចុះបញ្ជីកម្មករ-និយោជិតរបស់ខ្លួន ដើម្បីចូលរួមគោរពច្បាប់ការងារ ក៏ដូចជាគិតគូរដល់ផលប្រយោជន៍កម្មករ-និយោជិតទាំងអស់គ្នា ដើម្បីកសាងសហគ្រាសមួយក្លាយជាសហគ្រាសសុខសាន្តបង្កើនផលិតភាពការងារ រក្សាការងារ និងបង្កើនប្រាក់ចំណូល ជួយលើកស្ទួយជីវភាពគ្រួសារ និងសេដ្ឋកិច្ចជាតិកាន់តែប្រសើរ។
ជាងនេះទៀត រោងចក្រសហគ្រាស ត្រូវចុះបញ្ជី និងបញ្ជូនឈ្មោះបុគ្គលិក ឬ កម្មករ-និយោជិតរបស់ខ្លួន ទៅបេឡាជាតិសន្តិសុខសង្គម(ប.ស.ស) ដើម្បីឱ្យពួកគេទទួលបានអត្ថប្រយោជន៍ផ្សេងៗ ពិសេសការទទួលបានការពិនិត្យ និងព្យាបាលដោយឥតគិតថ្លៃពេលទៅទទួលសេវានៅតាមមន្ទីរពេទ្យជាដៃគូរបស់ ប.ស.ស៕
អត្ថបទ ៖ សំអឿន
ចិននិងវៀតណាមបង្ហាញបំណងរួមអភិវឌ្ឍការតភ្ជាប់ផ្លូវដែក ប្រើប្រាស់ឥណទានចិន
នាយករដ្ឋមន្ត្រីវៀតណាម ស្នើឲ្យចិនធ្វើការរួមគ្នាបន្ថែមទៀតអភិវឌ្ឍវិស័យអាកាសចរណ៍
តួលេខអ្នកស្លាប់ពីការរលំបាក់អគារនៅបាងកកកើនដល់៤៤នាក់ ខណៈ៥០នាក់បាត់ខ្លួន
នារីវៀតណាមម្នាក់ ត្រូវអាជ្ញាធរខេត្តហៅទៅអប់រំ ណែនាំ បន្ទាប់ពីរាំដោះអាវបញ្ចេញដើមទ្រូងក្នុងសង្ក្រាន្តស្វាយរៀង
មេដឹកនាំចិនបង្ហាញការប្តេជ្ញាចិត្តធ្វើការជាមួយវៀតណាម ក្នុងដំណើរទស្សនកិច្ចដែលហ៊ុំព័ទ្ធដោយសង្គ្រាមពាណិជ្ជកម្មដ៏ស្រួចស្រាល
នារីវៀតណាមម្នាក់ ត្រូវអាជ្ញាធរខេត្តហៅទៅអប់រំ ណែនាំ បន្ទាប់ពីរាំដោះអាវបញ្ចេញដើមទ្រូងក្នុងសង្ក្រាន្តស្វាយរៀង
អាមេរិករៀបចំផែនការដកខ្លួនពីអង្គការអន្តរជាតិស្ទើរទាំងអស់នៅឆ្នាំក្រោយ និងកាត់បន្ថយការចំណាយដ៏សម្បើមពីក្រសួងការបរទេស
តួលេខអ្នកស្លាប់ពីការរលំបាក់អគារនៅបាងកកកើនដល់៤៤នាក់ ខណៈ៥០នាក់បាត់ខ្លួន
តំបន់ទេសចរណ៍ទឹកជួរកាំពី ថ្ងៃទីមួយចូលឆ្នាំថ្មី ទទួលទេសចរទៅកម្សាន្តប្រមាណ ៣,៣៥៣ នាក់
មេដឹកនាំចិនបង្ហាញការប្តេជ្ញាចិត្តធ្វើការជាមួយវៀតណាម ក្នុងដំណើរទស្សនកិច្ចដែលហ៊ុំព័ទ្ធដោយសង្គ្រាមពាណិជ្ជកម្មដ៏ស្រួចស្រាល
-
សន្តិសុខសង្គម១ សប្តាហ៍ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានជាតិ៥ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៦ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
សន្តិសុខសង្គម៥ ថ្ងៃ agoផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
សន្តិសុខសង្គម១ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ agoឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានជាតិ១ សប្តាហ៍ agoទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?