ស្រាពាងជនជាតិភាគតិច ពង្រឹងគុណភាពសុវត្ថិភាព គ្រោងចុះបញ្ជីភូមិមួយផលិតផលមួយ

ស្រាពាងរបស់ជនជាតិដើមភាគតិចនៅខេត្តភាគឦសាន កំពុង​ត្រូវបានយកចិត្តទុកដាក់ក្នុងការពង្រឹងគុណភាពសុវត្ថិភាព ខណៈអាជ្ញាធរខេត្តមណ្ឌលគិរីក៏គ្រោងចុះបញ្ជីទៅក្នុងផលិតផល​ភូមិមួយផលិតផលមួយ ដើម្បី​ថែរក្សា​ការពារ​​ថែម​ទៀត។

លោក ងិន សុវិមាន អភិបាល​រង​ខេត្ត​មណ្ឌលគិរី​បាន​គូស​បញ្ជាក់​ថា ស្រា​ពាង​ត្រូវ​បាន​ផលិត​ត​​ពី​មួយ​ជំនាន់ទៅមួយ​ជំនាន់​ ក្លាយជា​ស្រាប្រពៃណី​របស់​ជនជាតិ​ដើម​ភាគតិចក្នុង​ខេត្ត​ភូមិភាគ​ឦសាន​​។​ ​បច្ចុប្បន្ន​ដោយសារការ​វិវឌ្ឍ​ ការ​​​ផលិតកាន់តែ​ល្អ​ប្រសើរ​​ទៅ​តាម​ស្តង់ដារ​បច្ចេកទេស​ ដោយ​គិតគូរ​សុវត្ថិភាព​និង​អនាម័យ​ ដើម្បី​ផ្ដល់​ទំនុក​ចិត្ត​ដល់​អតិថិជន។

ដោយសារ​មើលឃើញ​ពី​គុណតម្លៃ​នៃស្រាប្រពៃណីមាន​ប្រវត្តិយូរលង់នេះ បើ​តាមលោក ងិន សុវិមាន អាជ្ញាធរ​ខេត្ត​មណ្ឌលគិរី​ក៏​គ្រោង​ចុះ​​បញ្ជី​ស្រាពាង​ ចូលទៅក្នុង​​បញ្ជី​ភូមិ​មួយ​ផលិតផល​មួយ​របស់​ខេត្ត​មណ្ឌលគិរី ដើម្បី​ថែរក្សា​កេរ្តិ៍ឈ្មោះ​​បន្ត​ទៅមុខទៀត៕