ព័ត៌មានជាតិ

អាជ្ញាធរ ៦ ខេត្ត ដុតបំផ្លាញគ្រឿងញៀនជាង ៣០ គីឡូ ដើម្បីអបអរសាទរ ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ខាងមុខ

បានផុស

១៤ វិនាទី មុន

នៅ

ថ្ងៃចន្ទ ២៣ មិថុនា ២០២៥

ដោយ

អាជ្ញាធរចំនួន ៦ ខេត្ត បានធ្វើការដុតបំផ្លាញគ្រឿងញៀនជាង ៣០ គីឡូ ដើម្បីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន នៅថ្ងៃទី ២៦ ខែមិថុនា ឆ្នាំ ២០២៥ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីដុតបំផ្លាញគ្រឿងញៀននេះ ត្រូវបានធ្វើឡើងនារសៀលថ្ងៃទី ២៣ ខែមិថុនា ឆ្នាំ ២០២៥ ក្នុងបរិវេណព្រលានយន្តហោះបែកចាន ភូមិរំចេក ៤ សង្កាត់រតនៈ ក្រុងបាត់ដំបង ក្រោមប្រធានបទ «រួមគ្នាបង្ការ ទប់ស្កាត់ និងកាត់ផ្ដាច់ឫសគល់ នៃបញ្ហាគ្រឿងញៀន (២៦/០៦/២៥)» ក្រោមអធិបតីភាព លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

យោងតាមរបាយការណ៍របស់សាលាដំបូងខេត្តបាត់ដំបង បានបញ្ជាក់ថា គ្រឿងញៀនដែលធ្វើការកម្ទេចនៅថ្ងៃនេះ បានមកពីខេត្តចំនួន ៦ ក្នុងនោះ គឺ ខេត្តបាត់ដំបង ខេត្តពោធិ៍សាត់ ខេត្តបន្ទាយមានជ័យ ខេត្តប៉ៃលិន ខេត្តសៀមរាប និងខេត្តឧត្តរមានជ័យ។

បើតាមរបាយការណ៍ខេត្តនីមួយៗ គឺ ១.ខេត្តបាត់ដំបង មាន ១៦០ សំណុំរឿង ក្នុងនោះមានគ្រឿងញៀនប្រភេទម៉ាទឹកកក ទម្ងន់ ២៦៤ ៥៩៣,៣៧ ក្រាម និងគ្រឿងញៀនប្រភេទយ៉ាម៉ា ចំនួន ១៨ ៣១០ គ្រាប់។ ២.ខេត្តពោធិ៍សាត់ មាន ១៤២ សំណុំរឿង មានគ្រឿងញៀនប្រភេទម៉ាទឹកកកទម្ងន់ ២ ៨៧៧,០១ ក្រាម និងគ្រឿងញៀនប្រភេទយ៉ាម៉ា ចំនួន ៣៧២ គ្រាប់។ ៣.ខេត្តបន្ទាយមានជ័យ មាន ១៣២ សំណុំរឿង មានគ្រឿងញៀនប្រភេទម៉ាទឹកកក ទម្ងន់ ៤៣ ៨៩៨,២៣ ក្រាម និងគ្រឿងញៀនប្រភេទយ៉ាម៉ាចំនួន ១២ ១២៩ គ្រាប់។ ៤.ខេត្តឧត្តរមានជ័យ មាន ៦៧ សំណុំរឿង មានគ្រឿងញៀនប្រភេទម៉ាទឹកកកទម្ងន់ ១ ៤២២,០១ ក្រាម និងគ្រឿងញៀនប្រភេទយ៉ាម៉ា ចំនួន ១០២ គ្រាប់។ ៥.ខេត្តសៀមរាប មាន ១២២ សំណុំរឿង មានគ្រឿងញៀនប្រភេទម៉ាទឹកកក ទម្ងន់ ២៦ ៦៨៥ ក្រាម។ ៦.ខេត្តប៉ៃលិន មាន ៥៦ សំណុំរឿង មានគ្រឿងញៀនប្រភេទម៉ាទឹកកក ទម្ងន់ ២ ៩១១,៧១ ក្រាម និងគ្រឿងញៀនប្រភេទយ៉ាម៉ា ចំនួន ២ ៦៤៩ គ្រាប់។