ព័ត៌មានជាតិ

ឆ្នាំនេះ ខេត្តក្រចេះទទួលបានសមិទ្ធផលជាបន្តបន្ទាប់ ជាមុខមាត់ថ្មីនៃការអភិវឌ្ឍខេត្តដែនដីភាគឦសាន

បានផុស

១ year មុន

នៅ

ថ្ងៃព្រហស្បតិ៍ ៣ កក្កដា ២០២៥

ដោយ

ខេត្តក្រចេះ ទទួលនូវសមិទ្ធផលជាប្រវត្តិសាស្រ្ត គឺស្ពានឆ្លងកាត់ទន្លេមេគង្គប្រវែង ១.៧៦១ម៉ែត្រ និងផ្លូវតភ្ជាប់ក្នុងក្រុងក្រចេះប្រវែង ៣១,៦៩ គីឡូម៉ែត្រ ដែលគ្រោងបើកឱ្យដំណើរការប្រើប្រាស់នាខែកញ្ញាខាងមុខនេះ។

នេះជាប្រសាសន៍លើកឡើងរបស់លោក វ៉ា ថន អភិបាលនៃគណៈអភិបាលខេត្តក្រចេះ នាព្រឹកថ្ងៃទី ៣ ខែកក្កដា ឆ្នាំ២០២៥ ក្នុងពិធីបុណ្យ រុក្ខទិវា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ លោកអភិបាលក៏ចូលរួមអបអរសាទរជាមួយប្រជាពលរដ្ឋនៅស្រុកសំបូរ ដែលទទួលបាននូវផ្លូវក្រាលកៅស៊ូថ្មី ដែលបានផ្ដល់ភាពងាយស្រួលដល់ការធ្វើដំណើរ និងដឹកជញ្ជូនកសិផលផ្សេងៗ។

បើតាមលោកអភិបាលខេត្ត គម្រោងស្ដារជួសជុល និងថែទាំផ្លូវខេត្តលេខ ៣៧៧ (ក្រចេះ-សំបូរ) និងផ្លូវខេត្តលេខ ៣៧៧A (សណ្តាន់-សង្គម) ដោយក្រាលកៅស៊ូ AC និងសំណង់សិល្បការ្យមួយចំនួន ដែលមានប្រវែងសរុប ៤៩,១០ គីឡូម៉ែត្រ បានសម្រេចរួចរាល់ជាស្ថាពរ។

បន្ថែមពីនេះ លោកអភិបាលខេត្តបានលើកឡើងពីការរៀបចំហេដ្ឋារចនាសម្ព័ន្ធតាមមាត់ទន្លេក្នុងទីរួមខេត្ត ការដាំកូនឈើ ការតុបតែងភ្លើងបំភ្លឺ រួមទាំងសមិទ្ធផលនានាជាច្រើនទៀតដែលបានឆ្លើយតបផ្តល់ជាប្រយោជន៍សម្រាប់ពលរដ្ឋក្នុងខេត្តក្រចេះ៕