រឿងជំនួយកងទ័ព និងជនភៀសសឹក ក្រៅពីមូលនិធិស្ថាប័នរដ្ឋ សប្បុរសជនត្រូវប្រាកដថា មូលនិធិដែលខ្លួនចូលរួម អាចជឿជាក់បាន

ក្រោមស្មារតីស្នេហាជាតិមាតុភូមិ ពលរដ្ឋខ្មែរទាំងក្នុងនិងក្រៅស្រុក បានស្រាក់ដៃគ្នាបង្កើតមូលនិធិនានា សម្រាលបន្ទុករាជរដ្ឋាភិបាល ខណៈដែលត្រូផ្គត់ផ្គង់ទាំងកងទ័ព និងពលរដ្ឋភៀសសឹកកម្ពុជា។

ក្នុងចំណោមនោះ ក្រៅពីក្រសួងស្ថាប័នរដ្ឋ គឺមានការចូលយ៉ាងផុសផុលពីសំណាក់អ្នកជំនួញ ម្ចាស់សហគ្រាស Influencer និងបណ្តាក្រុមសាធារណជនជាច្រើនផ្សេងទៀត។

យ៉ាងណា ដើម្បីជំរុញឱ្យតម្លៃសាមគ្គីភាពនេះបានពេញបរិបូណ៌ អ្នកពាក់ព័ន្ធគ្រប់រូប ស្នើឱ្យសប្បុរសជន ចូលរួមជាមួយនឹងប្រភពមូលនិធិផ្លូវការរបស់រដ្ឋ និងម្ចាស់មូលនិធិណាដែលអាចជឿទុកចិត្ត។ ការណែនាំនេះ ដោយសារបារម្ភថា មានអ្នកឆ្លៀតឱកាសនេះកេងចុះណេញពីការចូលរួមមហាជនខ្មែរ តាមគ្រប់រូបភាព។

ដោយឡែក ទាក់ទងនឹងមូលនិធិធំៗរួមមាន​​ ​មូលនិធិរបស់រដ្ឋាភិបាលរាជធានីភ្នំពេញ (២៦ កក្កដា ២០២៥); មូលនិធិក្រសួងទេសចរណ៍​​ ​​(ថ្ងៃទី២៧ ខែកក្កដា ឆ្នាំ២០២៥); មូលនិធិភូមិឃុំ​​ ស្រុកខណ្ឌ​តាមបណ្តារាជធានីខេត្ត;​ សមាគមសិល្បករខ្មែរ​ និងសប្បុរសជននានាជាច្រើនទៀត៕