អាជីព
ជំនាញទន់ ៖ ឥរិយាបថដឹកនាំក្រុម Team Player Attitude អាចរៀនបាន
សមត្ថភាពក្នុងទំនាក់ទំនងការងារ ឬរួមការងារល្អជាមួយអ្នកដទៃបានរលូន គឺជាជំនាញទន់។ អ្នកដែលមានឥរិយាបថដឹកនាំក្រុម Team Player Attitude អាចធ្វើការដោយមិនដឹងខ្លួនចាប់តាំងពីថ្ងៃដំបូងនៃការចូលរៀន ចូលសាលាឬការមើលថែក្មេងក្នុងផ្ទះ ក្នុងភូមិ។ល។
កិច្ចសហការនៅកន្លែងធ្វើការនិងសមត្ថភាពដឹកនាំក្រុម គឺជាជំនាញដែលនាំឲ្យមនុស្សម្នាក់ៗបានទទួលជោគជ័យអស់ពេញមួយជីវិតរបស់ពួកគេ។
ជំនាញទន់មួយនេះ ត្រូវការអាកប្បកិរិយាវិជ្ជមានដែលជាការចាំបាច់ដើម្បីភាពសុខដុមរមនារបស់ក្រុមការងារយើង ដែលមានន័យថា យើងចាំបាច់ត្រូវចេះប្រជុំប្រកបដោយប្រសិទ្ធភាពនិងចេះស្ដាប់យកចិត្តទុកដាក់ មានឥរិយាបថថ្លៃថ្នូរ ផ្ដោតអារម្មណ៍សម្ដីអ្នកដទៃ និងការបើកគំនិតថ្មី ធ្វើការដោយការគោរពជាមួយអ្នកដទៃ។
តើអ្វីខ្លះដែលជួយធ្វើឲ្យជំនាញធ្វើការជាក្រុមរបស់យើងខ្លាំងនិងឈានទៅដឹកនាំក្រុមបាន?
សំខាន់គឺយើងត្រូវធ្វើយ៉ាងណាឲ្យសមាជិកទាំងអស់បានចូលរួមធ្វើការឆ្ពោះទៅរកគោលដៅជាមួយគ្នា ដោយមិនធីបអ្នកណាម្នាក់ចេញ ដោយសារគេនោះយឺតឬខ្វះខាតឡើយ។ សមាជិកម្នាក់ៗមានសារៈសំខាន់ណាស់ហើយអាចជះឥទ្ធិពលយ៉ាងខ្លាំងទៅលើលទ្ធផលក្រុមបាន។
មិនថាយើងមានទេពកោសល្យធម្មជាតិមក សម្រាប់ការងារជាក្រុម លក្ខណៈសំខាន់ៗខាងក្រោម គ្រប់គ្នាតោងអភិវឌ្ឍដើម្បីក្លាយជាសមាជិកឆ្នើមឬមេដឹកនាំក្រុមការងារបាន៖
អាកប្បកិរិយាវិជ្ជមាន
ឥរិយាបថរបស់មនុស្សជះឥទ្ធិពលយ៉ាងខ្លាំងដល់ក្រុមការងារទាំងមូល មិនថាមនុស្សនោះវិជ្ជមានឬអវិជ្ជមាន។ ប្រសិនបើសមាជិកម្នាក់ក្នុងក្រុមមានទស្សនវិស័យអវិជ្ជមាននឹងនាំឥទ្ធិពលអវិជ្ជមាន ដល់ក្រុមទាំងមូលយ៉ាងឆាប់រហ័ស ធ្វើឲ្យអ្នករាល់គ្នាមានទឹកចិត្តច្រណែន បែងចែក មិនសុភាពរាបសា ឈនាដល់ការបង្កើតទំនាស់។
ជំនាញទំនាក់ទំនង
ក្រុមនានាមិនអាចទទួលបានជោគជ័យទេប្រសិនបើសមាជិករបស់ពួកគេមិនមានទំនាក់ទំនងប្រកបដោយប្រសិទ្ធភាពជាមួយគ្នា មិនចេះចចារហារស្ដី របៀបបើកចំហនិងស្មោះត្រង់។
ចេះគោរពគ្នា
មនុស្សគ្រប់គ្នាក្នុងក្រុមគួរតែទទួលបានការគោរពស្មើ ៗ គ្នាដោយការមកប្រជុំឲ្យបានទាន់ពេលវេលា ស្ដាប់យកចិត្តទុកដាក់ នូវអ្វីដែលអ្នកផ្សេងចង់និយាយ និងការធ្វើការដោយស្មើភាពក្នុងការបញ្ចេញគំនិតយោបល់ កម្លាំងកាយបញ្ញា។
ការលះបង់
មនុស្សកំណាញ់ទ្រឹស្មូ និងកេងប្រវ័ញ្ចជាមនុស្សខ្សោជំនាញទន់ណាស់។ ពួកគេខ្លាចការធ្វើលើស ខ្លាចថា ខ្លួនបានចំណាយ គេមិនដែលចង់ឧទ្ទិសអ្វីដល់ក្រុមខ្លួនទេ មុនពេលគេបានក្លាយជាមេដឹកនាំសិន។
រំលែកប្រយោជន៍
អ្នកពូកែជំនាញទន់ ជាមនុស្សយល់អំពីមនុស្សដូចគ្នាបានយ៉ាងជ្រាលជ្រៅ។ ពួកគេតែងព្យាយាមឱ្យអស់ពីសមត្ថភាពដើម្បីជួយមិត្តរួមការងារក្នុងបញ្ហាដោយ ចែករំលែកជំនាញនិងចំណេះដឹងហើយព្រមឆ្លងកាត់ស្ថានភាពដែលអ្នកដទៃត្រូវការជំនួយដើម្បីគាំទ្រជ្រោមជ្រែងពួកគេ៕
ប្រែសម្រួល ៖ សុភា
ប្រភព ៖ vault
ចុចអាន៖ហេតុអ្វីមានបុគ្គលិកពូកែច្រើនតែការងារគ្មានប្រសិទ្ធភាព?
ចុចអាន៖របៀបធ្វើជា“ ចៅហ្វាយរួសរាយ” ដោយមិនបាត់បង់អំណាច
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង