Connect with us

សន្តិសុខសង្គម

សមត្ថកិច្ចរកឃើញសារធាតុផ្សំជិត ៦តោន ក្នុងទីតាំងលួចកែឆ្នៃផលិតគ្រឿងញៀន នៅស្រុកភ្នំស្រួច

បានផុស

នៅ

សារធាតុគីមីផ្សំជាគ្រឿងញៀន ប្រមាណជិត៦តោន ត្រូវបានសមត្ថកិច្ចចម្រុះរឹបអូសបានក្នុងទីតាំងលួចកែឆ្នៃផលិតគ្រឿងញៀនមួយកន្លែងរបស់ជនជាតិចិន នៅឃុំយាយម៉ៅពេជ្រនិល ស្រុកភ្នំស្រួច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា នៅព្រឹកថ្ងៃទី២១ ខែឧសភា ឆ្នាំ២០២២១នេះ ក្រុមសមត្ថកិច្ចចម្រុះ ក្រោមការសម្របសម្រួលនិតិវិធីដោយលោក ខៃ សម្ភស្ស ព្រះរាជអាជ្ញារងអមសាលាដំបូងខេត្តកំពង់ស្ពឺ មានការចូលរួមលោកស្រីឧត្ដមសេនីយ៍ឯក ឈឹម សិទ្ធ បុណ្យរិទ្ធ អគ្គលេខាធិការរងអាជ្ញាធរជាតិប្រយុទ្ធប្រឆាំងគ្រឿងញៀន ឧត្ដមសេនីយ៍ទោ សិរី បុត្រសត្យា នាយករងមន្ទីរប្រឆាំងគ្រឿងញៀនក្រសួងមហាផ្ទៃ សហការជាមួយអភិបាលស្រុកការិយាល័យប្រឆាំងគ្រឿងខេត្តកំពង់ស្ពឺ អធិការនគរបាលប៉ុស្តិ៍រដ្ឋបាល និងអាជ្ញាធរមូលដ្ឋានដើម្បីត្រួតពិនិត្យដោយរកឃើញសារធាតុគីមីផ្សំប្រមាណជិត៦០០០គីឡូក្រាម ។

សូមរម្លឹកថា នៅថ្ងៃទី២០ ខែឧសភា ឆ្នាំ២០២២ វេលាម៉ោង២០និង០៥នាទី ក្រុមសមត្ថកិច្ចចម្រុះបានដំណេីការត្រួតពិនិត្យទីតាំងកែច្នៃសារធាតុញៀន និងដកសំណាកសារធាតុ គីមី ស្ថិតនៅចំណុចចម្ការស្វាយ ក្នុងភូមិស្រល់ ឃុំ យាយម៉ៅពេជ្រនិល ស្រុកភ្នំស្រួច ដែលមានម្ចាស់ឈ្មោះ ឈឿន សំបូរ ភេទប្រុស អាយុ៣០ឆ្នាំ ឃាត់ខ្លួនជនជាតិជាតិចិនចំនួន០៣នាក់ ។

ប្រភពបានឲ្យដឹងទៀតថា វត្ថុតាងចាប់យករួមមាន ១-សារធាតុគីមីផ្សំ សរុបទម្ងន់៦០គីឡូក្រាម; ២-សារធាតុគីមី សរុបទម្ងន់ ៥២៨០គីឡូក្រាម ។

បច្ចុប្បន្នបន្ទាប់ពី កម្លាំងចម្រុះចុះ ត្រួត ពិនិត្យ រួចរួលក្រុម ការងារបាន ធ្វេីការ បិត គ្រប់ បន្ទប់ ទាំងអស់ និងបានប្រគល់ទីតាំងនេះឲ្យទៅកម្លាំងអធិការនគរបាលស្រុកភ្នំស្រួចជាអ្នកគ្រប់គ្រងដើម្បីរងចាំបន្តនិតិវិធីច្បាប់ ៕

អត្ថបទ៖ ភួង រដ្ឋា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម