Connect with us

សន្តិសុខសង្គម

ឆ្លងចរន្តអគ្គិសនីឆេះផ្ទះ ០២ ខ្នង យ៉ាងសន្ធោសន្ធៅ នៅខណ្ឌច្បារអំពៅ

បានផុស

នៅ

អគ្គិភ័យ​ឆាបឆេះ​ផ្ទះ​ចំនួន ២ ខ្នង​ជាប់​គ្នា យ៉ាង​សន្ធោសន្ធៅ បង្ក​ការ​ភ្ញាក់ផ្អើល​ដល់​ប្រជាពលរដ្ឋ​នៅ​ក្បែរ និង​រាយការណ៍​ទៅ​សមត្ថកិច្ច​ទាក់ទង​ក្រុម​រថយន្ត​ពន្លត់​អគ្គិភ័យ​មក​អន្តរាគមន៍​ភ្លាមៗ កាលពី​វេលា​ម៉ោង ១ រសៀល ថ្ងៃ​ទី ០៩ ខែ​មិថុនា ឆ្នាំ ២០២៣ ស្ថិត​ជាប់​ផ្លូវ​បេតុង ភូមិ​មិត្តភាព សង្កាត់​ព្រែក​ឯង ខណ្ឌ​ច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ច​បាន​ឲ្យ​ដឹង​ថា ម្ចាស់​ផ្ទះ​រងគ្រោះ​មាន​ឈ្មោះ ភិន ស្រីម៉ៅ ភេទ​ស្រី អាយុ ៣៧ ឆ្នាំ មុខរបរ​កាត់ដេរ។

តាម​ប្រភព​ព័ត៌មាន​ពី​កន្លែង​កើតហេតុ​បាន​ឲ្យ​ដឹង​ថា មុន​កើតហេតុ ឮ​សំឡេង​ផ្ទុះ​ចរន្ត​អគ្គិសនី​ចេញពី​ផ្ទះ​សង់​ពី​ឈើ​លើ ថ្ម​ក្រោម និង​មាន​អណ្ដាត​ភ្លើង​ឆេះ​ឡើង​តែម្ដង។ បន្ថែម​នោះ បង្ក​ឲ្យ​មាន​ការ​ភ្ញាក់ផ្អើល​ដល់​អ្នកជិតខាង ជួយ​យក​ទឹក​ជះ​ពន្លត់ និង​រាយការណ៍​ទៅ​អាជ្ញាធរ​មូលដ្ឋាន​ឲ្យ​ជួយ​យក​រថយន្ត​ពន្លត់​អគ្គិភ័យ​មក​បាញ់​ទឹក​ពន្លត់។ បន្ទាប់ពី​ទទួល​បាន​ព័ត៌មាន​ភ្លាម អាជ្ញាធរ​មូលដ្ឋាន និង​មន្ត្រី​ជំនាញ​អន្តរាគមន៍​ពន្លត់ បង្ការ​ពន្លត់​អគ្គិភ័យ បាន​ចេញ​រថយន្ត​ជា​ច្រើន​គ្រឿង​ដើម្បី​ធ្វើការ​បាញ់​ទឹក​ពន្លត់។

ករណី​អគ្គិភ័យ​នេះ កម្លាំង​ជំនាញ​បង្ការ សង្គ្រោះ​អគ្គិភ័យ បាន​ធ្វើការ​បាញ់​ទឹក​ពន្លត់​អស់​ទឹក​ចំនួន ០៨ ឡាន ដោយ​ប្រើ​ពេលវេលា ១ ម៉ោង ក៏​រលត់​ទៅ​វិញ​ជា​ស្ថាពរ និង​មិន​រាលដាល​ដល់​ផ្ទះ​ផ្សេង​ទៀត ឬ​គ្រោះថ្នាក់​ដល់​មនុស្ស​ណា​ម្នាក់​ឡើយ។ ចំពោះ​ការ​ខូចខាត​រួមមាន ៖ ផ្ទះ ០១ ខ្នង សង់​ពី​ឈើ​លើ ថ្ម​ក្រោម ខូចខាត​ទាំងស្រុង និង​ផ្ទះល្វែង ០១ ខ្នង​ទៀត ខូចខាត ៣០%៕

អត្ថបទ ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម