ធុងសំរាមចំនួន២១ធុង ត្រូវបានដាក់ពង្រាយបន្ថែមក្នុងមូលដ្ឋានសង្កាត់ភ្លេីងឆេះរទេះ ដើម្បីបរិស្ថានស្អាត

ដេីម្បីសម្រួល និងងាយស្រួលដល់ប្រជាពលរដ្ឋទុកដាក់សំរាមឲ្យបានត្រឹមត្រូវចៀសវាងបោះចោលគ្មានសណ្តាប់ធ្នាប់ កាលពីថ្ងៃទី៩​ ខែមករា​ ឆ្នាំ២០២៥​ អាជ្ញាធរសង្កាត់ភ្លេីងឆេះរទេះ​ បានសហការជាមួយក្រុមហ៊ុនប្រមូលសំរាមប្រចាំសាខាខណ្ឌកំបូល ចុះរៀបចំដាក់ពង្រាយធុងសំរាមសរុបចំនួន២១ធុង ក្នុងមូលដ្ឋានសង្កាត់ភ្លេីងឆេះរទេះ​ ខណ្ឌកំបូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ ប៊ុនរី ប្រធានភ្នាក់ងារបរិស្ថាន និងអនាម័យប្រចាំសង្កាត់ភ្លើងឆេះរទេះ​ បានឲ្យដឹងថា​ ដោយសារតែទីតាំងខាងលេីខ្វះនូវធុងសំរាម​ ធ្វេីឲ្យប្រជាពលរដ្ឋបោះចោលសំរាមគ្មានសណ្តាប់ធ្នាប់ប៉ះពាល់ដល់បរិស្ថានគ្មានអនាម័យ​ ក្លិនមិនល្អ​ ទេីបតំណាងក្រុមហ៊ុនប្រមូលសំរាម ប្រចាំសាខាខណ្ឌកំបូល ចុះសហការជាមួយលោកមេភូមិចំនួន៣ភូមិ​ ក្នុងសង្កាត់ភ្លើងឆេះរទេះ រៀបចំដាក់ធុងសំរាមដើម្បីសម្រួលជូនចំពោះដល់ប្រជាពលរដ្ឋ។

លោក​ ពៅ​ ប៊ុនរី​ បន្តថា​ ការដាក់ពង្រាយធុងសំរាមនេះ គឺនៅភូមិគោកខ្សាច់ចំនួន៨ទីតាំង​ ស្មេី១៨ធុង​ ភូមិ​ទួលកី១​ទីតាំងស្មេី២ធុង​ ភូមិប្រទះឡាង១ទីតាំង ស្មេី១ធុង​ សរុប២១ធុង។ អាជ្ញាធរក៏សំណូមពរដល់ប្រជាពលរដ្ឋទាំងអស់មេត្តាវិចខ្ចប់ទុកដាក់សំរាមក្នុងធុងឲ្យបានត្រឹមត្រូវចៀសវាងបោះចោលគ្មានសណ្តាប់ធ្នាប់​ ប៉ះពាល់ដល់បរិស្ថានគ្មានអនាម័យ និងចូលរួមសហការ​ឲ្យបានល្អ​ អនាម័យល្អ​ ទីក្រុងស្អាត៕

អត្ថបទ៖ សុខា