សន្តិសុខសង្គម

ផ្ទុះអាវុធមួយគ្រាប់ក្នុងប្រតិបត្តិការបង្ក្រាបកូនញៀនថ្នាំអុកឡុកគំរាមឪពុកម្ដាយ

បានផុស

១២ ខែ មុន

នៅ

ថ្ងៃចន្ទ ២៨ មេសា ២០២៥

ដោយ

កម្លាំងនគរបាលខណ្ឌពោធិ៍សែនជ័យ បានផ្ទុះអាវុធឡើងលើចំនួនមួយគ្រាប់ក្នុងប្រតិបត្តិការចុះបង្ក្រាបឃាត់ខ្លួនបុរសញៀនថ្នាំម្នាក់ដែលអុកឡុកគំរាមឪពុកម្ដាយក្នុងផ្ទះ និងព្យាយាមតដៃជាមួយសមត្ថកិច្ច។

ហេតុការណ៍នេះបានកើតឡើងនៅវេលាម៉ោង១២និង៣៥នាទីរំលងអធ្រាត្រ ឈានចូល ថ្ងៃទី២៨ ខែមេសា ឆ្នាំ២០២៥ ស្ថិតនៅតាមបណ្ដោយផ្លូវបេតុង ភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។

តាមការឲ្យដឹងពីឪពុកម្ដាយបានលើកឡើងថា ៣ថ្ងៃមុនកូនរបស់គាត់បានត្រឡប់មកពីខេត្តស្វាយរៀងវិញ និងបានសង្ងំប្រេីប្រាស់គ្រឿងញៀននៅផ្ទះ រួចបានមកយកទូរស័ព្ទឪពុកចេញទៅក្រៅ តែនៅពេលឪពុកតាមទារមកវិញកូនញៀនថ្នាំ បានសុំលុយចំនួន២០០ដុល្លារ តែឪពុកមិនព្រមអោយក៏ខឹងយកខ្សែក្រវ៉ាត់ និងកន្រ្តៃ កាន់ក្នុងដៃរករឿងអុកឡុកគ្រួសារ ទើបឪពុក ប្ដឹងសមត្ថកិច្ចមូលដ្ឋានអោយចុះមកអន្តរាគមន៍។

ក្រោយមកកម្លាំងនគរបាលមូលដ្ឋាន សហការជាមួយកម្លាំងជំនាញអន្តរាគមន៍ខណ្ឌពោធិ៍សែនជ័យ ចុះបង្រ្កាបឃាត់ខ្លួន តែត្រូវបុរសបែកថ្នាំ ព្យាយាមតដៃជាមួយសមត្ថកិច្ច ទើបសមត្ថកិច្ចផ្ទុះអាវុធចំនួន១គ្រប់ឡេីងលើដើម្បីគំរាមទើបឃាត់បាន និងនាំខ្លួនទៅប៉ុស្តិ៍តែម្ដង។ បច្ចុប្បន្នបុរសបែកថ្នាំខាងលើត្រូវបានបញ្ជូនខ្លួនទៅផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដេីម្បីចាត់ការទៅផ្លូវច្បាប់៕

អត្ថបទ៖ សំណាង