កីឡា

គ្រូក្រុមស្នងការរាជធានីភ្នំពេញ មើលឃើញស្វាយរៀងនៅតែល្អ និងគ្រោះថ្នាក់ដល់ក្រុមផ្សេងៗ

បានផុស

៥ ខែ មុន

នៅ

ថ្ងៃចន្ទ ៩ កុម្ភៈ ២០២៦

ដោយ

ពានរង្វាន់សម្ដេចក្រឡាហោម លើកទី៤ ឆ្នាំ២០២៦ កំពុងដំណើរការប្រកួតវគ្គសន្សំពិន្ទុក្នុងពូលហើយនៅពេលនេះ ខណៈមួយក្រុមចំនួនចាប់ផ្ដើមបង្ហាញទម្រង់លេងយ៉ាងល្អលេចធ្លោដើម្បីប្រជែងកៅអីឡើងទៅជុំទី២ ឆ្នោះទៅដល់ការគ្រងពានជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូបង្វឹកស្នងការ ន.ប រាជធានីភ្នំពេញ

លោក ប្រាក់ សារ៉ាន់ឌី គ្រូជំនួយក្លឹបបាល់ទះស្នងការដ្ឋានរាជធានីភ្នំពេញ បានឲ្យដឹងថា ចាប់ផ្ដើមការប្រកួតដំបូងៗនេះលោកចាប់អារម្មណ៍ខ្លាំងលើក្រុមបាល់ទះស្នងការ ន.ប ខេត្តស្វាយរៀង គឺរក្សាបាននូវទម្រង់ល្អដដែលពិសេសគោលដៅការពារពានរង្វាន់មួយនេះឲ្យបាន។ ដូច្នេះក្រុមខ្លាំងមកពីខេត្តស្វាយរៀងមួយនេះនៅតែជាឧបសគ្គ ឬជាក្រុមគ្រោះថ្នាក់ដល់ក្រុមចូលរួមទាំងអស់ផងដែររួមទាំងស្នងការរាជធានីភ្នំពេញរបស់លោកផង។

កីឡាករ សួន ចាន់ណារ៉ូ

ក្រុមម្ចាស់ជើងឯកឆ្នាំចាស់មកពីខេត្តស្វាយរៀងមួយនេះ ចំណុចលេចធ្លោនោះគឺប្រធានក្រុមកីឡាករ សួន ចាន់ណារ៉ូ តែម្ដង ពោលចង្វាក់លេង និងការដឹកនាំក្រុមឲ្យលេង។ យ៉ាងណាចំពោះក្រុមស្នងការ ន.ប ខេត្តព្រៃវែងវិញលោក សារ៉ាន់ឌី មើលឃើញថាមានកីឡាករឥណ្ឌូណេស៊ីមែន ប៉ុន្តែជាកីឡាករថ្មីរាល់ការលេងអាចនឹងមិនទាន់ត្រូវគ្នាល្អនោះឡើយ។

បញ្ជាក់ដែរថា ពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះបានបើកការប្រកួតរួចរាល់ហើយកាលពីថ្ងៃទី៧ ខែកុម្ភៈ និងកំពុងដំណើរការប្រកួតវគ្គសន្សំពិន្ទុក្នុងពូល។ ចំណែកក្រុមស្នងការ ន.ប រាជធានីភ្នំពេញ បើកឆាកថ្ងៃដំបូងលត់ក្រុមបញ្ជាការដ្ឋានកងអង្គរក្ស B ដោយលទ្ធផល ៣-០ ។ ក្រុមស្នងការ ន.ប ខេត្តស្វាយរៀង ជាម្ចាស់ជើងឯកពានរង្វាន់សម្ដេច ក្រឡាហោម លើកទី៣ កន្លងទៅនេះ៕

អត្ថបទដោយ៖ នួន ស៊ីណា