កីឡា

លោក សាន់ សៅយ៉ាន់ បណ្ដុះក្មេងដំបូងគ្រាន់តែចង់ឲ្យក្នុងភូមិមានអ្នកប្រដាល់ដូចគេឯង

បានផុស

៥ ខែ មុន

នៅ

ថ្ងៃសុក្រ ២៧ កុម្ភៈ ២០២៦

ដោយ

លោក សាន់ សៅយ៉ាន់ ថាការបណ្ដុះបណ្ដាលក្មេងៗដំបូងគឺគ្រាន់តែចង់ឲ្យនៅក្នុងស្រុកភូមិមានអ្នកចេះប្រដាល់ និងមានធនធានតំណាងប៉ុណ្ណោះដើម្បីលេងនៅតាមកម្មវិធីផ្សេងៗ ប៉ុន្តែមិននឹកស្មានថាមានការអភិវឌ្ឍន៍ខ្លាំងដូចនៅពេលនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សៅយ៉ាន់ និងសិស្ស

លោក សាន់ សៅយ៉ាន់ បានឲ្យដឹងថា ការបង្ហាត់ប្រដាល់ពីដំបូងឡើយគឺគ្រាន់តែចង់ឲ្យមានធនធាន ឬមានអ្នកហាត់ប្រដាល់ក្នុងស្រុកភូមិតែប៉ុណ្ណោះ។ ប៉ុន្តែមិនបានគិតថាកីឡាមួយនេះវិវឌ្ឍន៍រីកចម្រើនដូចនៅពេលនេះរហូតបានចេញផ្សព្វផ្សាយដល់ក្រៅប្រទេសបែបនេះឡើយ។

គ្រូប្រដាល់មកពីខេត្តបន្ទាយមានជ័យរូបនេះបន្ថែមទៀតថា លោកបង្ហាត់ប្រដាល់នេះយូរដែលហើយនៅឯខេត្ត ប៉ុន្តែអ្នកគាំទ្រមិនសូវដឹងទើបតែមកភ្នំពេញបានមានអ្នកស្គាល់ ឬមានឈ្មោះដូចនៅពេលនេះ។ លោកមិននឹកស្មានថាវិស័យប្រដាល់ឥលូវនេះគឺមានការចេញផ្សព្វផ្សាយច្រើននៅឯក្រៅប្រទេសដូចទៅហ្នឹងអ្នកគាំទ្របានឃើញនៅពេលនេះអីចឹង។

លោក សៅយ៉ាន់ និងលោក នាគា រួមទាំងសិស្ស

បញ្ជាក់ដែរថា លោក សាន់ សៅយ៉ាន់ ជាគ្រូប្រដាល់ចាស់វស្សាមួយរូបនៅឯខេត្តបន្ទាយមានជ័យ។ នៅឯខេត្តជាយដែននោះគឺរាល់ពេលមានបុណ្យទានធំៗគឺតែងតែមានរៀបចំប្រដាល់តាមវត្តដើម្បីកម្សាន្តសប្បាយសម្រាប់អ្នកស្រុកភូមិ។ លោក សាន់ សៅយ៉ាន់ ជាគ្រូប្រដាល់នៅក្លឹបសៅយ៉ាន់នាគា ខេត្តបន្ទាយមានជ័យ និងជាគ្រូប្រដាល់ជម្រើសជាតិកីឡាឃីកប៊ុស៊ីងជាច្រើនឆ្នាំមកហើយ។ លោកបានបង្ហាត់សិស្សឲ្យឈ្នះមេដាយជូនជាតិបានជាច្រើនមិនថានៅស៊ីហ្គេម មិនថាជើងឯកអាស៊ី ជើងឯកអាស៊ីគ្នេយ៍ និងទទួលបានខ្សែក្រវាត់ ពានរង្វាន់ ជាច្រើនទៀតផងដែរ៕