កីឡា

ក្រុមកីឡាបាល់ទាត់លើតុ ប្រមូលផ្ដុំនៅមជ្ឈមណ្ឌលជាតិហ្វឹកហ្វឺនកីឡា និងហ្វឹកហាត់លើ ២ទីតាំងផ្សេងគ្នា

បានផុស

៤ ខែ មុន

នៅ

ថ្ងៃអង្គារ ៧ មេសា ២០២៦

ដោយ

សហព័ន្ធកីឡាបាល់ទាត់លើតុកម្ពុជា បានប្រមូលផ្ដុំហ្វឹកហាត់ដូចបណ្ដាសហព័ន្ធកីឡាជាតិមួយចំនួនផងដែរ ពោលកីឡាករ កីឡាការិនី ស្នាក់នៅក្នុងមជ្ឈមណ្ឌលជាតិហ្វឹកហ្វឺនកីឡាជាប់របងពហុកីឡដ្ឋានជាតិ និងកំពុងហ្វឹកហាត់២ទីតាំងផ្សេងៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ងួន ច័ន្ទបូរមី (គ្រូបង្វឹក)

លោកស្រី ងួន ច័ន្ទបូរមី គ្រូបង្វឹកជម្រើសជាតិកីឡាបាល់ទាត់លើតុ បានឲ្យដឹងថា ចំពោះក្រុមកីឡារបស់លោកស្រីបានប្រមូលផ្ដុំរួចម្ដងហើយអំឡុងដើមខែកុម្ភៈ និងបន្តប្រមូលផ្ដុំជាលើកទី២ នេះចាប់ពីដើមខែមេសា ឆ្នាំ២០២៦ ជាថ្មីម្ដងទៀត។

សកម្មភាពហ្វឹកហាត់របស់ក្រុមបាល់ទាត់លើតុ

ដោយសារឆ្នាំនេះមានការប្រកួតធំៗច្រើនពិសេសព្រឹត្តិការណ៍ឆ្នេរខ្សាច់ទៀតនោះសហព័ន្ធបានហ្វឹកហាត់នៅទីតាំង២ផ្សេងគ្នាគឺ ទី១ ហ្វឹកហាត់នៅតារាងបាល់ទះឆ្នេរខ្សាច់ក្នុងពហុកីឡដ្ឋានជាតិជារៀងរាល់ពេលល្ងាច។ ទី២ ហ្វឹកហាត់នៅក្នុងសាលបាល់បោះរបស់មជ្ឈមណ្ឌលជាតិហ្វឹកហ្វឺនកីឡា។ សកម្មភាពហ្វឹកហាត់ត្រូវបានយកចិត្តទុកដាក់ និងផ្ដោតខ្លាំងពីគ្រូៗដើម្បីពង្រឹងសមត្ថភាពឲ្យបានកាន់តែល្អ ព្រោះការប្រកួតកម្រិតអន្តរជាតិខាងមុខនេះជាព្រឹត្តិការណ៍ធំ និងមានការប្រកួតប្រជែងខ្ពស់ផងដែរ។

បញ្ជាក់ដែរថា ការប្រមូលផ្ដុំរបស់សហព័ន្ធកីឡាបាល់ទាត់លើតុកម្ពុជានៅឆ្នាំនេះមានកីឡាករ ៥រូប កីឡាការិនី ៣រូប និងគ្រូបង្វឹក ២រូប។ ឆ្នាំ២០២៦ នេះផងដែរសហព័ន្ធគ្រោងនឹងទៅចូលរួមការប្រកួតអន្តរជាតិធំៗចំនួន ៥៕