កីឡា

អត្តពលិកកីឡាបុកប៊ីយ៉ា វ័យ ៦៨ ឆ្នាំ ចូលរួមប្រកួតស៊ីហ្គេម នៅវៀតណាម ឆ្នាំ ២០២២

បានផុស

៤ years មុន

នៅ

ថ្ងៃអង្គារ ៣ ឧសភា ២០២២

ដោយ

លោក Efren Reyes វីរបុរសកីឡាប៊ីយ៉ា ស្នូកឃ័រហ្វីលីពីន នឹងចូលរួមក្នុងការប្រកួតកីឡា SEA Games លើកទី៣១ ទោះបីជាមានអាយុ ៦៨ ឆ្នាំក៏ដោយ។ លោកបានក្លាយជាអត្តពលិកដ៏គួរឱ្យកត់សម្គាល់បំផុត មិនត្រឹមតែនៅក្នុងបញ្ជីនៃគណៈប្រតិភូកីឡាហ្វីលីពីនប៉ុណ្ណោះទេ ប៉ុន្តែសម្រាប់អត្តពលិកផងដែរ។ កីឡាករ-កីឡាការិនី ចូលរួមការប្រកួតកីឡាអាស៊ីអាគ្នេយ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Efren Reyes មានអាយុ ៦៨ ឆ្នាំនៅឆ្នាំនេះ។ គាត់បានឈ្នះមេដាយមាស កីឡាបុកប៊ីយ៉ា ២ ដង នៅស៊ីហ្គេម និងជាអត្តពលិកដ៏ល្បីបំផុតម្នាក់នៃកីឡានេះនៅក្នុងប្រទេសហ្វីលីពីន។

បច្ចុប្បន្នលោកជាម្ចាស់ ជើងឯកពានអន្តរជាតិ ជាង ១០០ រួមមានជើងឯក US Open ៣ ដង, ជើងឯកពិភពលោក ៤។ នៅស៊ីហ្គេមឆ្នាំនេះ លោក Reyes នឹងចូលរួមក្នុងការប្រកួតវិញ្ញាសា 3-band carom។ ថ្វីត្បិតតែលោកលែងឈានដល់កម្រិតកំពូល ហើយសមត្ថភាពប្រកួតប្រជែងដណ្តើមមេដាយមិនច្រើនក៏ដោយ ប៉ុន្តែការខិតខំប្រឹងប្រែង និងការតស៊ូក្នុងទម្រង់លេងរបស់ Reyes បានធ្វើឱ្យអត្តពលិកវ័យក្មេងជាច្រើនជំនាន់មានការកោតសរសើរ និងរៀនសូត្រតាម។

Reyes ស្ថិតក្នុងចំណោមអត្តពលិកវ័យចំណាស់បំផុតនៃស៊ីហ្គេម ដែលប្រារព្ធធ្វើនៅប្រទេសវៀតណាម។ ក្រៅពី Reyes ក្តីសង្ឃឹមមេដាយមាសរបស់កីឡាករ ប៊ីយ៉ា ស្នូកឃ័រ ហ្វីលីពីន ក្នុងស៊ីហ្គេម លើកទី៣១ ក៏រំពឹងលើ Carlo Biado ផងដែរ។ ម្ចាស់ជើងឯក US Open 2021 ខិតខំដណ្ដើមបានមេដាយមាសលើវិញ្ញាសាវាយឯកត្តជនបុរស។ លោកឈ្នះមេដាយសំរឹទ្ធ លើវិញ្ញាសាវាយគូបុរសក្នុងវិញ្ញាសា នៅស៊ីហ្គេមឆ្នាំ ២០១៩៕

អត្ថបទ៖ មន្នីរ័ត្ន

Related Topics:កីឡាស្នូកឃ័រ