ផ្ទុះការចាប់អារម្មណ៍ខ្លាំង! កីឡាករបាល់ទាត់អាស៊ីម្នាក់ មុខស្រដៀង Ronaldo

Matt Orr ដែលលេងឱ្យក្លិប Kitchee របស់ហុងកុង Premier League កំពុងតែទទួលបានប្រជាប្រិយភាពមិនតិចនោះទេ ដោយសារតែមុខមាត់ស្រដៀងគ្នាខ្លាំងទៅនឹងកីឡាករបាល់ទាត់លំដាប់ពិភពលោក Cristiano Ronaldo ។

កីឡាករ​បាល់​ទាត់វ័យក្មេង​រូប​នេះ កំពុង​ទទួល​បាន​ការ​ចាប់​អារម្មណ៍​ខ្លាំងក្នុងចំណោមមហាជន ក៏ដូចជាអ្នកលេងអ៊ីនធរណិត នៅអំឡុង​ពេល​ប្រកួត AFC Asian Cup​។ នៅក្នុងការប្រកួត Matt ស៊ុតបញ្ចូលទីបានពីរគ្រាប់ ដោយជួយក្រុមបាល់ទាត់របស់ខ្លួនឡើងដល់វគ្គផ្តាច់ព្រ័ត្រជាលើកដំបូង ក្នុងរយៈពេល ៥៤ឆ្នាំ។

តាមពិតចំណាប់អារម្មណ៍ខ្លាំងក្លាទៅលើ Matt Orr ក៏ដោយសារតែលោកមានរូបរាងស្រស់សង្ហា ជាពិសេស​កីឡាកររូបនេះមាន​មុខ​មាត់​ស្រដៀងទៅនឹង Cristiano Ronaldo រហូត​គេដាក់រហ័ស្សនាមថា “Hongkong’s Cristiano Ronaldo” ថែម​ទៀត​ផង។

បើយោងតាមប្រភពពីគេហទំព័រ COCONUTS HONGKONG  បានឱ្យដឹង Matt Orr ​មាន​ដើម​កំណើតជាកូនកាត់​នូវែលសេឡង់​ ​និងបាន​ចូល​រៀន​នៅ​សាលាកីឡា Kitchee តាំងពី​អាយុ ១១ឆ្នាំមកម្ល៉េះ។ លោកបានផ្លាស់ទៅសិក្សានៅសាកលវិទ្យាល័យ San Francisco និង Syracuse University កាលពីអាយុ ១៨ឆ្នាំ ហើយត្រឡប់ចូលលេងឱ្យរួមក្លិប Kitchee វិញ នៅឆ្នាំ២០១៩ រហូតមកទល់បច្ចុប្បន្ន៕

ប្រែសម្រួល៖ សន្យា

ប្រភព៖ coconuts

ចុចអាន៖ យន្តហោះឯកជនរបស់ Neymar ត្រូវបង្ខំចិត្តចុះចតជាបន្ទាន់