កីឡា

នារីស្រស់សោភា ឈឿង លីណា បន្តអាជីពកីឡា ក្រោយរៀនពេទ្យ៦ឆ្នាំជោគជ័យ

បានផុស

៤ years មុន

នៅ

ថ្ងៃអង្គារ ១៩ កក្កដា ២០២២

ដោយ

កីឡាការិនីតេក្វាន់ដូដ៏ស្រស់សោភា ឈឿង លីណា នៅតែបន្តអាជីពកីឡាតេក្វាន់ដូរបស់ខ្លួនដដែល បើទោះជាកញ្ញាបានចំណាយពេលវេលា៦ឆ្នាំនៅប្រទេសវៀតណាមដើម្បីរៀនពេទ្យលើជំនាញឱសថការី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ឈឿង លីណា បានប្រាប់ថា ៖«ខ្ញុំចូលហាត់កីឡាតេក្វាន់ដូវិញហើយគឺត្រៀមប្រកួតកីឡាស៊ីហ្គេមឆ្នាំ២០២៣នៅខ្មែរយើង។ ឥឡូវនេះ ខ្ញុំមិនទាន់ចូលធ្វើការផ្នែកជំនាញពេទ្យរបស់ខ្ញុំទេ ពីព្រោះក្រុមជម្រើសជាតិហ្វឹកហាត់ពេញថ្ងៃ។ ចាំមើលប្រហែលជាចប់ស៊ីហ្គេមទើបខ្ញុំចាប់ផ្តើមធ្វើការ»។

«ការងារខ្ញុំអាចធ្វើបានបន្ទាប់ពីស៊ីហ្គេម។ ស៊ីហ្គេមវិញ បើខ្ញុំអត់ចូលរួមគឺអស់ឱកាសហើយ។ ណាមួយ កម្ពុជាយើងធ្វើម្ចាស់ផ្ទះ ហើយខ្ញុំអាយុកាន់តែច្រើន អត់អាចលេងបានច្រើនឆ្នាំទៅមុខទៀតទេ។ អាចនិយាយបានថា នេះជាឱកាសចុងក្រោយដែលខ្ញុំតំណាងឲ្យប្រទេសកម្ពុជាយើងក៏ថាបាន ហើយណាមួយខ្ញុំចង់ស្គាល់រស់ជាតិអារម្មណ៍ដែលប្រកួតនៅពេលកម្ពុជាយើងធ្វើម្ចាស់ផ្ទះ»។ ឈឿង លីណា បានបញ្ជាក់ពីការបន្តអាជីពកីឡាតេក្វាន់ដូ។

មុនពេលរៀនពេទ្យ ឈឿង លីណា ជាកីឡាការិនីតេក្វាន់ដូជម្រើសជាតិកម្ពុជាដ៏ល្អម្នាក់ដែលបានចូលរួមប្រកួតក្នុងព្រឹត្តិការណ៍ធំជាច្រើនដូចជាកីឡាស៊ីហ្គេម ការប្រកួតក្នុងតំបន់ និងជើងឯកពិភពលោក World Championship (Muju City) ដែលទទួលបានមេដាយជាបន្តបន្ទាប់ដែរ៕