Connect with us

កីឡា

អង្គការសិទ្ធិមនុស្ស ទាមទារសំណងលើការ​រំលោភ​បំពាន​ពលករចំណាកស្រុក

បានផុស

នៅ

អង្គការឃ្លាំមើលសិទិ្ធមនុស្ស (Human Rights Watch) បានអំពាវនាវឱ្យ FIFA និងកាតា ធ្វើឱ្យប្រសើរឡើងនូវសំណងរបស់ប្រទេសចំពោះ “ការរំលោភបំពាន” ពលករចំណាកស្រុក និងក្រុមគ្រួសាររបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមសកម្មជនបានទទូចថា “កម្មវិធីសំណងដ៏ទូលំទូលាយ” គួរតែត្រូវបានបង្កើតឡើង “សម្រាប់កម្មករដែលបានទទួលគ្រោះថ្នាក់ធ្ងន់ធ្ងរ រួមទាំងការស្លាប់ របួស និងការលួចកាត់ប្រាក់ឈ្នួល” អំឡុងពេលពួកគេធ្វើការលើគម្រោងទាក់ទងនឹងការប្រកួតបាល់ទាត់ពិភពលោក ដូចជាកីឡដ្ឋាន ការដឹកជញ្ជូន និងសណ្ឋាគារ។ វាមិនបានបញ្ជាក់ថា តើត្រូវបង់ប៉ុន្មានទៅអ្នកដែលពាក់ព័ន្ធនោះទេ។

ប្រទេសកាតា បានប្រឈមមុខនឹងការត្រួតពិនិត្យយ៉ាងខ្លាំងក្លាចាប់តាំងពីការទទួលបានសិទ្ធិធ្វើម្ចាស់ផ្ទះ FIFA World Cup ឆ្នាំ២០២២ សម្រាប់ច្បាប់ការងាររបស់ខ្លួន និងការយកចិត្តទុកដាក់លើពលករចំណាកស្រុករាប់សែននាក់ ដែលបានជួយសាងសង់ហេដ្ឋារចនាសម្ព័ន្ធជាតម្រូវការសម្រាប់ព្រឹត្តិការណ៍បែបនេះ។

ខណៈពេលដែលអង្គការឃ្លាំមើលសិទ្ធិមនុស្ស បានទទួលស្គាល់ថាប្រព័ន្ធសំណងជាច្រើនត្រូវបានណែនាំដើម្បីកាត់បន្ថយបញ្ហាទាំងនេះ ប៉ុន្តែវាបែជាត្រូវបានអះអាងថា មិនមានសារសំខាន់គ្រប់គ្រាន់ដើម្បីគ្របដណ្តប់ក្នុងការជួយកម្មករទាំងអស់ពីការរំលោភបំពាននោះទេ។

លោក Michael Page អនុប្រធានមជ្ឈិមបូព៌ានៃអង្គការឃ្លាំមើលសិទ្ធិមនុស្ស បាននិយាយថា «ប្រទេសកាតាបានផ្តល់សំណងដល់កម្មករចំណាកស្រុកមួយចំនួនដែលបានប្រឈមមុខនឹងការរំលោភបំពានយ៉ាងធ្ងន់ធ្ងរក្នុងរយៈពេលប៉ុន្មានឆ្នាំចុងក្រោយនេះ ប៉ុន្តែ កម្មវិធីទាំងនេះត្រូវបានបង្កើតឡើងយឺតពេល ហើយនៅតែមានការងារមួយចំនួនធំដែលកំពុងស្ថិតដំណើរការនៅឡើយ។ វាមានសារៈសំខាន់ណាស់សម្រាប់ FIFA និងកាតា ក្នុងការប្តេជ្ញាចិត្តជាសាធារណៈ ទៅលើការផ្តល់សំណងដល់កម្មករ និងក្រុមគ្រួសាររបស់ពួកគេដែលបានរងគ្រោះថ្នាក់ធ្ងន់ធ្ងរ ខណៈពេលដែលពួកគេនេះហើយជាអ្នកធ្វើឱ្យការប្រកួតបាល់ទាត់ពិភពលោកអាចប្រព្រឹត្តទៅបាន»។

របាយការណ៍របស់ Guardian បានលើកឡើងថា កម្មករជាង ៦,៥០០នាក់ មកពីប្រទេសឥណ្ឌា ប៉ាគីស្ថាន បង់ក្លាដែស នេប៉ាល់ និងស្រីលង្កា បានស្លាប់នៅក្នុងប្រទេសនេះ ចាប់តាំងពីប្រទេសកាតា បានទទួលសិទ្ធរៀបចំ World Cup តាំងពីឆ្នាំ២០១០។

៣៧នាក់នៃការស្លាប់ទាំងនេះ ត្រូវបានភ្ជាប់ដោយផ្ទាល់ទៅនឹងការសាងសង់កីឡដ្ឋានសម្រាប់ការប្រកួត។

យោងតាមអង្គការឃ្លាំមើលសិទិ្ធមនុស្ស អាជ្ញាធរកាតាមិនបានស៊ើបអង្កេតមូលហេតុនៃការស្លាប់របស់កម្មកររាប់ពាន់នាក់នោះទេ ហើយបានបញ្ជាក់ថាមូលហេតុនៃការស្លាប់របស់ពួកគេគឺមកពី “មូលហេតុធម្មជាតិ”។

សម្ព័ន្ធនៃអង្គការចំនួន១០ រួមទាំងអង្គការលើកលែងទោសអន្តរជាតិ បានជំរុញកាលពីខែឧសភាឱ្យ FIFA ប្តេជ្ញាបង់ប្រាក់ចំនួន ៤៤០លានដុល្លារ ដល់ពលករចំណាកស្រុកដែលបានជួបប្រទះ “ការរំលោភសិទ្ធិមនុស្សក្នុងកម្រិតគ្រោះថ្នាក់” ដែលទាក់ទងនឹងការប្រកួតបាល់ទាត់ពិភពលោក។

ការប្រកួតបាល់ទាត់ពិភពលោក (FIFA World Cup 2022) នៅប្រទេសកាតា នឹងចាប់ផ្តើមនៅថ្ងៃទី២០ ខែវិច្ឆិកា បន្ទាប់ពីការផ្លាស់ប្តូរកាលបរិច្ឆេទចុងក្រោយមកប្រកួតមុន១ថ្ងៃ ពី FIFA ហើយគ្រោងនឹងបញ្ចប់នៅថ្ងៃទី១៨ ខែធ្នូ ឆ្នាំ២០២២៕

ប្រភព៖ insidethegames

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម