កីឡា
បានលេងជម្រើសជាតិកម្ពុជា Nick Taylor ចាត់ទុកជាជោគជ័យមួយ
កីឡាករខ្មែរ-អាមេរិក ថេឡូរ នីកូឡាស់ ឌឿង (Nick Taylor) របស់ក្លឹបបាល់ទាត់អាមេរិក Orlando City B បានចាត់ទុកជាជោគជ័យមួយដែលមានន័យបំផុតក្នុងជីវិតរបស់ខ្លួននៅពេលនេះដែលទទួលបានឱកាសបង្ហាញខ្លួនលើទីលានក្នុងនាមជាកីឡាករបាល់ទាត់ជម្រើសជាតិកម្ពុជា។
កាលពីថ្ងៃទី២២ ខែកញ្ញាកន្លងទៅនេះ Nick Taylor ត្រូវបានដូរចូលឲ្យលេងក្នុងវគ្គទី២នៅពេលក្រុមបាល់ទាត់ជម្រើសជាតិកម្ពុជាប្រកួតមិត្តភាពអន្តរជាតិចាញ់ជម្រើសជាតិបង់ក្លាដែសដោយលទ្ធផល ១-០។ នេះជាលើកដំបូងដែលរូបគេត្រូវបានកោះហៅចូលជម្រើសជាតិកម្ពុជា និងបានបង្ហាញខ្លួននៅលើទីលានប្រកួតតែម្តង។
មុនពេលធ្វើដំណើរទៅអាមេរិកវិញ Nick Taylor បាននិយាយថា ៖«ពិតជាមានកិត្តិយសណាស់ដែលខ្ញុំបានប្រកួតអន្តរជាតិជាលើកដំបូងតំណាងឲ្យប្រទេសកម្ពុជាដ៏ស្រស់ស្អាត។ វាជាជោគជ័យមួយដែលមានន័យបំផុតសម្រាប់ជីវិតរបស់ខ្ញុំរហូតដល់ពេលនេះ។ សូមអរគុណដែលទទួលស្វាគមន៍ជាមួយនឹងក្តីស្រឡាញ់ និងគាំទ្រដែលជាពេលវេលាខ្ញុំមិនអាចភ្លេចបាន។ ខ្ញុំពិតជាមានមោទនភាពដែលពាក់អាវជម្រើសជាតិ ហើយសង្ឃឹមបន្តច្រើនឆ្នាំទៀត»។
កីឡាករបន្ថែមថា ៖«ជាមួយគ្នានេះក៏សូមអរគុណដែលក្រុមការងារដែលបានជួយឲ្យរឿងកើតឡើង ហើយអរគុណដល់អ្នកដែលតែងតែជឿជាក់លើរូបខ្ញុំ»។
សូមបញ្ជាក់ថា Nick Taylor កើតឆ្នាំ១៩៩៨ នៅតំបន់ Coppell រដ្ឋតិចសាស សហរដ្ឋអាមេរិក ដែលមានម្តាយជាជនខ្មែរ និងឪពុកជាជនអាមេរិក ដូច្នេះរូបគេមានសិទ្ធិតំណាងឲ្យជម្រើសជាតិកម្ពុជា។ បច្ចុប្បន្ន រូបគេកំពុងលេងក្លឹបអាមេរិក Orlando City B៕
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា