កីឡា

U-17 កម្ពុជា ចេញបញ្ជីឈ្មោះកីឡាករ ២៣ នាក់ ផ្លូវការត្រៀមចេញទៅអូស្ត្រាលីថ្ងៃស្អែក

បានផុស

៣ years មុន

នៅ

ថ្ងៃសៅរ៍ ១ តុលា ២០២២

ដោយ

កីឡាករយុវជនអាយុក្រោម ១៧ ឆ្នាំ ២៣ នាក់ ត្រូវបានជ្រើសរើសចូលក្រុមជម្រើសជាតិកម្ពុជា អាយុក្រោម ១៧ ឆ្នាំ ត្រៀមប្រកួតពានយុវជនអាស៊ីអាយុក្រោម ១៧ឆ្នាំ (AFC U-17 Asian Cup) វគ្គជម្រុះ នៅខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនចំនួន ២៣ នាក់នោះមានមកពីក្លិបចំនួន ៥ ត្រូវបានកោះហៅចូលរួមមាន៖

យុវជនសាលាបាទី ១៩ នាក់ សួន មករា, អ៊ិត សូនី, ទាំ មករា, អុក ដេវីន, សឿន ផានិត, ទុំ សុផាត, សុន ថាវីស៊ីវ, សុខ ស៊ីណេ, ញ៉ង ពន្លក, ប៊ន ម៉ៅ, ខឿន គៀងវិរៈបុត្រ, សុង រ៉ានុត, ស៊ូន មេងហុង, ទ្រី ស៊ីណារិន្ទ, នឿម សូនិក, វ៉ារ ដេវីត, រុន ចុងមីង, បេង សុវន និង រូ ស៊ីធន់។ ដោយឡែកក្លិបវិសាខា មាន ២ នាក់ សឹង សំបរូររិទ្ធី, សាង សុវណ្ណារ៉ា។ បឹងកេត មាន ១ នាក់ ស្រ៊េន មិនា និងភ្នំពេញក្រោន ១ នាក់ ទេព ចន្ទប្រុសពេជ្រ។

បច្ចុប្បន្ននេះយុវជនទាំង ២៣ នាក់ កំពុងបន្តហ្វឹកហាត់នៅសាលាបាល់ទាត់ជាតិបាទី មុននឹងត្រៀមចាកចេញទៅប្រទេសអូស្ត្រាលី នារសៀលថ្ងៃអាទិត្យ ទី ០២ ស្អែកនេះ។

សូមបញ្ជាក់ថាពីថ្ងៃទី ០៥ ដល់ថ្ងៃទី ០៩ នៅខែតុលា ឆ្នាំ ២០២២ U-17 កម្ពុជា នឹងចូលរួមប្រកួតវគ្គជម្រុះពានយុវជនអាស៊ីអាយុក្រោម ១៧ ឆ្នាំ (AFC U-17 Asian Cup) នៅប្រទេសអូស្ត្រាលី។ កម្ពុជា ស្ថិតនៅពូល G ជាមួយម្ចាស់ផ្ទះទឹកដីកណ្ដាល អូស្ត្រាលី, ចិន និងកោះម៉ារីណាខាងជើង។

ឈុតនេះភាគច្រើនជាយុវជនដែលបានប្រកួតពានយុវជនអាស៊ីអាគ្នេយ៍ កាលពីខែសីហាកន្លងទៅ ដែលពេលនោះធ្វើបានល្អផងដែរ តាមរយៈការយកឈ្នះ U-16 អូស្ត្រាលី ៤-២ ដែលបន្តរួមពូលជាមួយគ្នាដល់ពានរង្វាន់ថ្មីមួយទៀតនេះ៕

អត្ថបទ៖ មន្នីរ័ត្ន