សារព័ត៌មាន​ថៃ ចុះផ្សាយ​ព្រោងព្រាត​ថា​មាន​គ្រូបង្វឹក Pro Licence ខ្លួន​មក​ដឹកនាំ​ក្លិប​បាល់ទាត់​មួយ​នៅ​កម្ពុជា
Connect with us
Helistar Cambodia - Helicopter Charter Services

កីឡា

សារព័ត៌មាន​ថៃ ចុះផ្សាយ​ព្រោងព្រាត​ថា​មាន​គ្រូបង្វឹក Pro Licence ខ្លួន​មក​ដឹកនាំ​ក្លិប​បាល់ទាត់​មួយ​នៅ​កម្ពុជា

បានផុស

នៅ

​គិត​ត្រឹម​ល្ងាច​ថ្ងៃ​ពុធ ទី​៦ ខែមករា ឆ្នាំ​២០២១ នេះ​មាន​សារព័ត៌មាន​ថៃ ជាច្រើន​បាន​ចេញ​ផ្សាយ​ថា​មាន​គ្រូបង្វឹក​របស់​ជនជាតិ​ខ្លួន​១​រូប បាន​ធ្វើ​ដំណើរ​មក​ប្រទេស​កម្ពុជា ដើម្បី​ដឹកនាំ​ក្លិប​បាល់ទាត់​មួយ​នៅក្នុង​រដូវ​កាល​ឆ្នាំ​២០២១ នេះ​។ គ្រូបង្វឹក​ម្នាក់​នោះ​មាន​ឈ្មោះថា Thongchai Rungreangles កាន់​សញ្ញាប័ត្រ​គ្រូបង្វឹក​បាល់ទាត់ UEFA Pro Licence ដែលជា​កម្រិតសិក្សា​ខ្ពស់​ជាងគេ​ក្នុង​ពិភព​បាល់ទាត់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន siamsport.co.th បាន​សរសេរ​ចំណងជើង​ធំៗ​ថា «Coach Daat (​ឈ្មោះ​ហៅ​ក្រៅ​) ហោះ​ទៅ​ដឹកនាំ​ក្រុមបាល់ទាត់​១​នៅ​កម្ពុជា​»​។ ចំណែក​សា​រព័ត៌មាន thairath វិញ​បាន​សរសេរ​ចំណងជើង​ថា «​ការប្រកួតប្រជែង​ថ្មី Coach Daat ចេញទៅ​ដឹកនាំ​ក្លិប​បាល់ទាត់​កម្ពុជា​»​។ ចំពោះ​សារព័ត៌មាន khaosod វិញ​សរសេរ​ថា « Coach Daat អតីត​គ្រូបង្វឹក​ក្រុម U16 ថៃ ធ្វើដំណើរ​ទៅ​ដឹកនាំ​ក្រុមបាល់ទាត់​នៅ​លី​គ​កម្ពុជា​»​។

ដោយឡែក​សារព័ត៌មាន dailynews.co.th វិញ​សរសេរ​ដែរ​ថា​៖« Coach Daat បដិសេធ​ក្លិប​បាល់ទាត់​នៅ​ថៃ តែ​ទៅ​ដឹកនាំ​ក្រុមបាល់ទាត់​សំបូរ​យុវជន​មួយ​នៅ​កម្ពុជា​»​។ ងាក​ទៅ​សារព័ត៌មាន mgronline វិញ​បានសរសេរថា «​គ្រូបង្វឹក​ថៃ​ត្រូវប៉ាន់​ណាស់ ! Coach Daat ធ្វើដំណើរ​ទៅ​ដឹកនាំ​ក្លិប​នៅ​កម្ពុជា​»​។ ក្រឡេកមើល​សារព័ត៌មាន thaipbs.or.th វិញ​សរសេរថា​៖«​លោក Thongchai Rungreangles ទៅ​ដឹកនាំ​ក្លិប​ធំ​មួយ​នៅ​កម្ពុជា​»​។

​សារព័ត៌មាន​ទាំងអស់​របស់​ថៃ ខាងលើ​សុទ្ធតែ​បានបញ្ជាក់​ថា ​លោក Thongchai Rungreangles បានធ្វើ​ដំណើរ​មកកាន់​ប្រទេស​កម្ពុជា​តាម​ច្រក​អាកាស​យានដ្ឋាន​អន្តរជាតិ Suvarnabhumi Airport​ក្នុង​រាជធានី​បាងកក មកកាន់​រាជធានី​ភ្នំពេញ នៅ​ថ្ងៃ​អង្គារ សប្ដាហ៍​នេះ​ជាមួយនឹង​ជំនួយការ​២​រូប​ផ្សេងទៀត នោះ​គឺ​គ្រូ​ជំនួយ​ផ្នែក​កម្លាំង (Fitness Coach) និង​គ្រូបង្វឹក​អ្នកចាំទី (Goalkeeper Coach)​។

ក្លិប​បាល់ទាត់​នៅ​កម្ពុជា ដែល​សារព័ត៌មាន​ទាំង​បញ្ជាក់​ថា ​លោក Daat នឹង​ដឹកនាំ​នោះ​គឺ «​ព្រៃវែង​អែ​ហ្វ​ស៊ី​» សមាជិក​ក្នុង​លី​គ​លំដាប់​ទី​២ ឆ្នាំ​២០២០ នៅ​កម្ពុជា​។ ដោយ​ប្រភព​បញ្ជាក់​ថា ​បុរស​ជនជាតិ​ថៃ រូបនេះ​បាន​ចុះកិច្ចសន្យា​ជាមួយ​ក្លិប​ព្រៃវែង ក្នុង​រយៈពេល​១​ឆ្នាំ ក្នុង​ផែនការ​ប្រជែង​យក​ជើងឯក​លី​គ​ទី​២ នៅ​កម្ពុជា និង​ដណ្តើម​កៅអី​ឡើងទៅ​លេង​លី​គ​កំពូល​កម្ពុជា នៅ​រដូវ​កាល​២០២១ ខាងមុខ​។

លោក​ត្រូវធ្វើ​ច​ត្តា​ឡី​ស័ក ចំនួន​១៤​ថ្ងៃ​សិន ទើប​អាច​ចូលរួម​ដឹកនាំ​ថ្មី​មួយ​នេះ​។ យ៉ាង​ណា​ក្តី​នៅ​មិន​ទាន់​មាន​ដំណឹង​ផ្លូវការ​ណាមួយ​ពី​ក្លិប​បាល់ទាត់​ព្រៃវែង ពី​ក្បាលម៉ាស៊ីន​ថ្មី​នេះ​នៅឡើយ​នោះទេ​។

​លោក Daat មាន​វ័យ​មិន​ដល់​៣០​ឆ្នាំ តែ​ធ្លាប់​ធ្វើជា​គ្រូ​ជំនួយ​ជម្រើសជាតិ​ថៃ​វ័យ​ក្រោម​១៩​ឆ្នាំ​នៅ​ឆ្នាំ​២០១៥ ហើយ​ឆ្នាំ​២០១៨​លោក​កាន់តំណែង​ជា​គ្រូបង្វឹក​យុវជន​ក្លិប Thailand Bangkok Glass ដែល​បច្ចុប្បន្ន BG Pathum United ។ ចូល​ដល់​ពាក់កណ្ដាល​ឆ្នាំ​២០១៨ ដល់​ចុងឆ្នាំ ២០១៩ លោក​កាន់តំណែង​គ្រូបង្វឹក​ជម្រើសជាតិ​ថៃ​វ័យ​ក្រោម​១៦​ឆ្នាំ​លេង​ក្នុង​ពានរង្វាន់ 2018 AFF U-16 Youth Championship ដែល​ឈ្នះ​ជើងឯក​រង និង​ពាន 2018 AFC U-16 Championship ឡើងទៅ​វគ្គ​ចែក​ពូ​ល​។ ដោយសារ​បទពិសោធន៍​ច្រើន​ក្នុង​ក្រុមយុវជន​នេះហើយ​ទើប​លោក សម្រេចចិត្ត​ចោល​ក្លិប​នៅ​ថៃ មក​ដឹកនាំ​ក្រុម​ព្រៃវែង ដែល​សំបូរ​យុវជន​ដែរ​។

លោក Thongchai Rungreangles ជា​គ្រូបង្វឹក​ទី​៣ ហើយ​ដែល​ដឹកនាំ​ក្រុម​ផ្លូវការ​នៅ​កម្ពុជា បន្ទាប់ពី​លោក Ekapob Potisai កំពុង​ដឹកនាំ​ក្លិប​គីរីវង់​សុខ​សែន​ជ័យ ដែលមាន​មូលដ្ឋាន​នៅ​ខេត្តតាកែវ និង​លោក Apisit Im Amphai ដឹកនាំ​ក្រុម​បឹងកេត ហើយ​បច្ចុប្បន្ន​ផ្លាស់​ទៅ​ដឹកនាំ​ក្រុម​កោះកុង​អេ​ហ្វ​ស៊ី​សមាជិក​ក្នុង​លី​គ​ទី​២​កម្ពុជា ដែរ​៕

ដោយ ៖ ម៉េង ហួរ

សូមចុចអាន ៖ការប្រកួត​កីឡា​ទោចក្រយាន​ជើងឯក​ថ្នាក់ជាតិ គ្រោង​រៀបចំ​ឡើងវិញ នា​ថ្ងៃទី​២៣ មករា​នៅ​ខេត្តសៀមរាប

សូមចុចអាន ៖ Page ហ្វេ​ស​ប៊ុ​ក​ផ្លូវការ​របស់​កីឡាករ​អេ​ស្ប៉ា​ញ ១​រូប ត្រូវគេ​យកមក Live លក់​អន​ឡាញ​នៅ​ខ្មែរ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

ឆ្មក់​បង្ក្រាប​អាជីវកម្ម​អ៊ីន​ធើណែត​លួច​បង្កប់​ល្បែង​ស៊ី​សង​ខុសច្បាប់ ឃាត់​ខ្លួន​បាន​៩នាក់

ព័ត៌មានជាតិ៣ ម៉ោង មុន

ធនាគារ​ជាតិ​កម្ពុជា​ដាក់​ឲ្យ​ដំណើរការ​ជា​ផ្លូវការ​យុទ្ធនាការ ​«​តោះ​!​និយាយ​ពី​លុយ​៖​តក់ៗ​ពេញ​បំពង់​»

ព័ត៌មានជាតិ៣ ម៉ោង មុន

ស្រា​បៀរ ANGKOR LAGER ឧបត្ថម្ភ​ព្រឹត្តិការណ៍​សំខាន់ៗ​នៅឯ​មហោស្រព​សិល្បៈ​អន្តរជាតិ​អង្គរ​ក្នុង​ខេត្តសៀមរាប

សន្តិសុខសង្គម៣ ម៉ោង មុន

លំនៅឋាន​២​ខ្នង​ផ្ទះ ត្រូវ​អគ្គីភ័យ​ឆាបឆេះ​អស់ទាំង​ស្រុង នៅ​សង្កាត់​ច្បារអំពៅ​១

សន្តិសុខសង្គម៤ ម៉ោង មុន

អគ្គិភ័យ​ឆាបឆេះ​បន្ទប់​ជួល​មួយ​កន្លែង​ នៅ​ខណ្ឌ​សែន​សុខ បណ្ដាល​ឲ្យ​មនុស្សម្នាក់ស្លាប់​ក្នុង​ភ្លក់​ភ្លើង

Sokha Hotels

ព័ត៌មានពេញនិយម

Helistar Cambodia - Helicopter Charter Services