កីឡា

គ្រាន់តែត្រួសៗ ព្រំ សំណាង ទទួលបានប្រាក់ឧបត្ថម្ភមិនក្រោមម៉ឺនដុល្លារ

បានផុស

១ year មុន

នៅ

ថ្ងៃចន្ទ ៦ កុម្ភៈ ២០២៣

ដោយ

កីឡាករគុនខ្មែរ ព្រំ សំណាង ឈ្នះខ្សែក្រវាត់នៅសង្វៀន Thai Fight បន្ទាប់ពីផ្តួលកីឡាករអង់គ្លេស Thomas Carpetter ឲ្យសន្លប់ក្នុងទឹកទី១តាមរយៈជង្គង់ពិឃាតកាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតយប់មិញហាក់មិនពិបាកឡើយសម្រាប់ ព្រំ សំណាង ដែលគ្រាន់តែចូលទឹកទី១ភ្លាម អ្នកលេងគុនខ្មែររូបនេះបានប្រើរន្ទះជើងទាត់ផ្ទួនៗ ថែមទាំងកណ្តាប់ដៃ ហើយចូលអោបឡើងជង្គង់បុកលើឆ្អឹងជំងឺរបស់ Thomas ឲ្យដួលស្រឹបសន្លប់ក្រោកលែងរួចក្នុងទឹកទី១តែម្តង។

ជ័យជម្នះនេះបានទទួលការសាទរយ៉ាងខ្លាំងពីអ្នកគាំទ្រកម្ពុជា និងមានសប្បុរសជនជាច្រើបានចូលរួមឧបត្ថម្ភជាថវិកាដើម្បីលើកទឹកចិត្ត។ ការឧបត្ថម្ភទាំងនេះគឺជាកម្លាំងចិត្តដ៏សំខាន់ និងជាចលករដើម្បីជួយជំរុញ លើកស្ទួយ និងអភិវឌ្ឍគុនខ្មែរឲ្យរីកចម្រើន។

បើគិតត្រឹមពេលនេះ គ្រាន់តែសប្បុរសជនឧបត្ថម្ភដល់ ព្រំ សំណាង គឺមិនក្រោមម៉ឺនដុល្លារអាមេរិកឡើយ ដោយមិនទាន់រាប់បញ្ចូលទាំងអ្នកខ្លះឧបត្ថម្ភតាមពិធីករ និងតាមគណនីធនាគារ។ យ៉ាងណា ទីនេះ សូមបង្ហាញអ្នកចូលរួមឧបត្ថម្ភមួយចំនួនដូចខាងក្រោម៖

TJ Auto Work’s ចំនួន ២លានរៀល
Lak Oun ចំនួន ១២០០០០០រៀល
ENCI Cambodia ចំនួន ៥០ដុល្លារ
Habb Habb ចំនួន ១,២លានរៀល
លោកជំទាវ Dana Orm ចំនួន ១៥០០ដុល្លារ បន្ថែមលើ ១០០០ ដុល្លារ ដែលបានឧបត្ថម្ភមុនការប្រកួត (២៥០០ដុល្លារ)
លោក ប្រាក់ សម្បត្តិ ចំនួន ៥០០ដុល្លារ
លោក ហង្ស វិចិត្រ ចំនួន ១០០០ដុល្លារ
លោក ប្រុស ជាតិ ឧបត្ថម្ភដីចំនួន ១ឡូតិ៍ តម្លៃ៤៥០០ដុល្លារ
ក្រុមហ៊ុនជួសជុលទូរសព្ទមួយ ចំនួន ១លានរៀល
ឧកញ៉ា ស្រី ចាន់ថត ចំនួន៥លានរៀល បន្ថែមលើ៥លានរៀលដែលឧបត្ថម្ភមុនទៅប្រកួត (១០លានរៀល)
លោកស្រី ទ្រី ដាណា ចំនួន១០០០ដុល្លារ បន្ថែមលើ១០០០ដុល្លារមុនទៅប្រកួត (២ពាន់ដុល្លារ)
Chea Tong Hour ចំនួន ២លានរៀល
Thung Koemhuon ចំនួន ៥០០ដុល្លារ
ហាងលក់ម៉ូតូមួយកន្លែង ចំនួន ៥០០ដុល្លារ

ការឧបត្ថម្ភបែបនេះគឺជួយធ្វើឲ្យជីវភាពគ្រួសារកីឡាករធូរស្រាល កីឡាករមានពេលវេលាហ្វឹកហាត់ បានសម្ភារ និងអាហារូបត្ថម្ភដែលជួយធ្វើឲ្យសមត្ថភាពកីឡាករកើនឡើង កាន់តែខ្លាំង និងមានឱកាសប្រកួតលើឆាកអន្តរជាតិកាន់តែច្រើន។

សូមបញ្ជាក់ថា ព្រំ សំណាង ជាកីឡាករឃីកបុកស៊ីងជម្រើសជាតិកម្ពុជាត្រៀមប្រកួតស៊ីហ្គេម នាពេលដ៏ខ្លីខាងមុខនេះ។ រូបគេជាកីឡាករកម្ពុជាទី២ដែលបានឈ្នះខ្សែក្រវាត់នៅ Thai Fight បន្ទាប់ពី ធឿន ធារ៉ា ជាកីឡាករខ្មែរទី១ដែលបានឈ្នះខ្សែក្រវាត់កាលពីចុងឆ្នាំ២០២២កន្លងទៅនេះ៕

អត្ថបទ៖ វីរបុត្រ