កីឡា
យុវជនសាមគ្គីអាយុ១៣ឆ្នាំ ឈ្នះជើងឯកស្វាយរៀងខាប់U13 រដូវកាលទី១
ក្រុមបាល់ទាត់យុវជនសាមក្គី អាយុ១៣ឆ្នាំ បានក្លាយជាម្ចាស់ជើងឯក ស្វាយរៀងខាប់អាយុ១៣ឆ្នាំ បន្ទាប់ពីឈ្នះ ក្រុមយុវជនព្រះខ័នរាជស្វាយរៀងអាយុ១៣ឆ្នាំ ដោយលទ្ធផល ៣-១ ក្នុងវគ្គផ្តាច់ព្រ័ត្រ កាលពីល្ងាច ថ្ងៃទី១ ខែកុម្ភៈ ឆ្នាំ២០២៥ នៅកីឡដ្ឋានខេត្តស្វាយរៀង។

ការប្រកួតបាល់ទាត់ពានរង្វាន់ ស្វាយរៀងខាប់ យុវជនអាយុក្រោម១៣ឆ្នាំ លើកទី១ ឆ្នាំ២០២៤-២៥ បានចាប់ផ្តើមការប្រកួតតាំងពីថ្ងៃទី៣ ខែវិច្ឆិកា ឆ្នាំ២០២៤ រហូតដល់ថ្ងៃទី១ ខែកុម្ភៈ ឆ្នាំ២០២៥ ទើបចប់ដែលមានក្រុមចំនួន១០ចូលរួម។

ការប្រកួតវគ្គផ្តាច់ព្រ័ត្រ ក្រុមយុវជនសាមគ្គីពិតជាធ្វើបានល្អមែនទែន បើទោះបីជាកាយម្បទាតូចៗ ប៉ុន្តែមានបច្ចេកទេសយ៉ាងល្អ មានប្រៀបលើក្រុមយុវជនព្រះខ័នរាជស្វាយរៀងអាយុ១៣ឆ្នាំ។ ពួកគេរកបាន៣គ្រាប់នៅវគ្គផ្តាច់ព្រ័ត្រដោយកីឡាករ រ៉ាត់ ភារម្យ នៅនាទីទី២, កីឡាករ សាង រក្សា នៅនាទីទី៣២ និងកីឡាករ ញាញ់ សាវន នៅនាទី៣៥ ខណៈ១គ្រាប់របស់យុវជនព្រះខ័នរាជស្វាយរៀង ដោយកីឡាករ មាស វណ្ណៈ នៅនាទី២៧។

ចំណែកចំណាត់ថ្នាក់លេខ៣បានទៅក្រុមយុវជន ធូប្រាឌឺ បាវិត ដែលបានយកឈ្នះក្រុម យុវជនសសយក ស្រុកកំពង់រោទិ៍ ដោយលទ្ធផល ២-០ សម្រាប់ការប្រកួតដណ្តើមយកចំណាត់ថ្នាក់លេខ៣។

ពិធីបំពាក់មេដាយដ៏រំភើបរីករាយដល់ជ័យលាភីពានរង្វាន់ ក្រោមអធិបតីភាពឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង និងថ្នាក់ដឹកនាំខេត្តស្វាយរៀងជាច្រើនរូបទៀត។

ជ័យលាភី
- ជើងឯក៖ ក្រុមយុវជនសាមគ្គី ទទួលបានពាន មេដាយមាស និងប្រាក់រង្វាន់៨លានរៀល
- លេខ២៖ ក្រុមយុវជនព្រះខ័នរាជស្វាយរៀងអាយុ១៣ឆ្នាំ ទទួលបានមេដាយប្រាក់ និងប្រាក់រង្វាន់៤លាន
- លេខ៣៖ ក្រុមយុវជនធូប្រាឌឺ បាវិត ទទួលបានមេដាយសំរិទ្ធ និងប្រាក់រង្វាន់២លានរៀល
- លេខ៤៖ ក្រុមយុវជន សសយក ស្រុកកំពង់រោទិ៍ ទទួលបានប្រាក់រង្វាន់១លានរៀល
- ក្រុមគោរពវ័យល្អ៖ យុវជនធូប្រាឌឺ បាវិត ទទួលបានពាន និងប្រាក់រង្វាន់៤០ម៉ឺនរៀល
- គ្រូបង្វឹកល្អជាងគេ៖ ប៉ែន វ៉ាន់ដឿន ទទួលបានពាន និងប្រាក់រង្វាន់៤០ម៉ឺនរៀល
- កីឡាកររកបានគ្រាប់បាល់ច្រើនជាងគេ៖ ឡាវ ដូរកាអៀន ទទួលបានពានស្បែកជើងមាស និងប្រាក់រង្វាន់៤០ម៉ឺនរៀល
- អ្នកចាំទីល្អជាងគេ៖ ឈឿន ឆួយ ទទួលបានពានស្រោមដៃមាស និងប្រាក់រង្វាន់៤០ម៉ឺនរៀល

















អត្ថបទ៖ វីរបុត្រ

-
សន្តិសុខសង្គម២៣ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២៣ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?