កីឡា
Kodai និង Taiga ជាកម្លាំងគួរឲ្យចាប់អារម្មណ៍របស់ អង្គរថាយហ្គឺរ
ក្លិបបាល់ទាត់អង្គរថាយហ្គឺរ ពិតជាធ្វើបានល្អខ្លាំងនៅក្នុងលីគបាល់ទាត់កម្ពុជារដូវកាលនេះ បើប្រៀបធៀបនឹងរដូវកាលមុន ខណៈពួកគេស្ថិតនៅលំដាប់លេខ៤បានឡើងទៅវគ្គ៦ក្រុមចុងក្រោយ។
ការរៀបចំក្រុម និងជ្រើសរើសកីឡាកររបស់លោក Akihiro Kato ពិតជាត្រូវបានច្រើនទាំងរដូវកាលនេះ និងរដូវកាលមុនៗ។ សម្រាប់រដូវកាលនេះត្រូវបានអ្នកគាំទ្រមើលឃើញពីកីឡាករកំពុងល្អ ក្នុងនោះមានទាំងកីឡាករកម្ពុជា និងកីឡាករបរទេស។
កីឡាករកម្ពុជាគួរឲ្យចាប់អារម្មណ៍នៅក្នុងរដូវកាលនេះគឺ ខ្សែបម្រើប្រយុទ្ធ គី រីណា, សុផល ឌីម៉ង់ និង មុត សន្យា ពិតជាកម្លាំងមិនអាចខ្វះបាន។ ចំណែកកីឡាករបរទេសសញ្ជាតិទីម័រខាងកើត João Pedro ល្អខ្លាំងមែនទែនទាំងនៅក្លិប និងជម្រើសជាតិដែលបានធ្វើឲ្យមានការចាប់អារម្មណ៍យ៉ាងខ្លាំងពីអ្នកគាំទ្រនៅក្នុងតំបន់អាស៊ាន។
ទោះបីជាយ៉ាងណា អ្នកគាំទ្រមិនអាចមើលរំលងបានកីឡាករសញ្ជាតិជប៉ុន២រូបគឺជាកម្លាំងជួរមុខដ៏សំខាន់របស់អង្គរថាយហ្គឺរ។ ខ្សែប្រយុទ្ធលេខ១០ Nagashima Kodai កំពុងជាអ្នករកបានគ្រាប់បាល់ច្រើនជាងប្រចាំក្លិបនៅរដូវកាលនេះ (១០គ្រាប់)។ ជាមួយគ្នានេះ ខ្សែប្រយុទ្ធលេខ៩ Kitajima Taiga ក៏ជាខ្សែប្រយុទ្ធដ៏គ្រោះថ្នាក់ដែរគឺរូបគេរកបាន៩គ្រាប់ហើយ។
ឆ្លងកាត់១៩ប្រកួតកន្លងទៅ អង្គរថាយហ្គឺរ ទទួលបានជ័យជម្នះ១០លើក ស្មើ៤លើក និងចាញ់៥លើក រកបាន៣៤ពិន្ទុ ស្ថិតនៅលេខ៤។ ក្រុមខ្លាំងៗពិតជាពិបាកយកពិន្ទុពីក្រុមដែលមានមូលដ្ឋានខេត្តសៀមរាបណាស់។
ស្របពេលក្រុមកំពុងល្អ កីឡដ្ឋាន Akihiro Kato ដែលជាផ្ទះផ្ទាល់ខ្លួន កំពុងស្រួបទាញអ្នកគាំទ្រចូលទស្សនាបានយ៉ាងច្រើនកុះកររាល់ការប្រកួត។ ទាំងនេះហើយរឹតតែធ្វើឲ្យក្រុមកាន់តែមានកម្លាំងចិត្ត និងស្មារតីក្នុងការប្រយុទ្ធនៅលើទីលាន។
កាលពីចុងសប្តាហ៍កន្លងទៅ នៅពេលប្រកួតជាមួយក្រុមខ្លាំងភ្នំពេញក្រោន អ្នកគាំទ្រចូលទស្សនាពេញកន្លែងអង្គុយរហូតដល់២០១១នាក់ ខណៈកៅអីសម្រាប់អ្នកទស្សនាមានចំណុះ២០០០នាក់។
តាមរយៈសន្ទុះអ្នកគាំទ្រកើនឡើងជាលំដាប់បែបនេះ ម្ចាស់ក្លិបអង្គរថាយហ្គឺរ ទំនងជាពង្រីកបន្ថែមសម្រាប់កន្លែងអ្នកគាំទ្រ និងរឹតតែពង្រឹងក្រុមឲ្យកាន់តែល្អដើម្បីប្រកួតប្រជែងជាមួយក្រុមខ្លាំងៗនៅលីគនារដូវកាលក្រោយៗ៕
អត្ថបទ៖ វីរបុត្រ
ទីផ្សារភាគហ៊ុនអាមេរិក ធ្លាក់ចុះធ្ងន់ធ្ងរជាប្រវត្តិសាស្រ្ត ក្រោយ ត្រាំ ប្រកាសពន្ធម្សិលមិញ
តើនឹងមានអ្វីកើតឡើង បើលោក Yoon ត្រូវបានបណ្តេញចេញពីអំណាច?
រដ្ឋមន្ត្រីការពារជាតិ ផ្ដាំកងទ័ពជើងទឹកបន្តការពារសន្តិសុខផ្ទៃសមុទ្រឱ្យកាន់សកម្ម
មន្ត្រីជាន់ខ្ពស់កម្ពុជា អំពាវនាវឱ្យពលរដ្ឋទុកចិត្តលើរាជរដ្ឋាភិបាល ជុំវិញដំណោះស្រាយការដំឡើងពន្ធរបស់អាមេរិក
ភ្នាក់ងារ Seo Ye Ji ប្រកាសដាច់អហង្ការ ដាក់ពាក្យបណ្ដឹងព្រហ្មទណ្ឌ ប្រឆាំងបុគ្គលផ្សាយព័ត៌មានមិនពិត
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ
នីតិកាលទី៧ នៃរដ្ឋសភា មានតំណាងរាស្ត្រចំនួន ៦រូប ជាខ្មែរឥស្លាម
ស្នងការខេត្តកណ្ដាល ព្រមាន និងពិន័យ៣ខែ លើប៉ូលិសដែលឃាត់ឡានពលរដ្ឋបណ្ដាលឱ្យខូចខាតនៅផ្លូវជាតិលេខ៣
ដើមអង្កាញ់ដាំក្នុងរបងផ្ទះ ជួយឲ្យស្ត្រីចំណាស់ម្នាក់រកចំណូលមិនក្រោម ៥ ម៉ឺនរៀលជាប្រចាំរាល់ថ្ងៃ
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ១ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា