ស្វាយរៀងខាប់ នឹងរកឃើញ ៤ ក្រុមទៀតឡើងទៅវគ្គ ៨ ក្រុមនៅចុងសប្តាហ៍នេះ

ការ​ប្រកួត ស្វាយរៀង​ខាប់ លើក​ទី​៧ បាន​រក​ឃើញ​ក្រុមចំនួន​៤​ រួចរាល់ហើយ ក្នុងការឡើង​ទៅវគ្គ​៨​ក្រុម​ចុង​ក្រោយ​ បន្ទាប់ពី​បញ្ចប់ការប្រកួតវគ្គ​១៦​ក្រុម​ចុង​ក្រោយ​​កាល​ពី​ចុង​សប្តាហ៍​មុន។

ក្រុមចំនួន ៤ ដែលបានកក់កៅអីឡើងកាន់វគ្គ ៨ ក្រុមរួចរាល់ ក្នុងនោះមាន ក្រុម​កាំ​ភ្លើង​ធំ គោព្រៃភូមិ​ស្វាយធំ ក្រុម​លីងគួយ អេហ្វស៊ី និងក្រុម​សសយក ស្រុក​ចន្ទ្រា។

យ៉ាងណា នៅចុងសប្តាហ៍នេះ នឹងមានការប្រកួតវគ្គ ១៦ ក្រុមចំនួន ៤ គូទៀត ដើម្បីស្វែងរកក្រុមចំនួន ៤ បន្ថែមឡើងទៅវគ្គ ៨ ក្រុម ក្នុងនោះក្រុម United SEZ នឹងត្រូវជួបជាមួយក្រុម ស៊ាំម៉ូរ៉ៃភូមិតាកឹង នៅថ្ងៃ សៅរិ៍ ទី ១៤ ខែ មិថុនានេះ ម៉ោង ២ រសៀល។

ចំណែកនៅថ្ងៃ អាទិត្យ ទី ១៥ ខែ មិថុនា មាន ២ គូ គឺក្រុម CRS Sport ត្រូវជួបក្រុម បក្សីស្វាយរៀង ម៉ោង ៨ ព្រឹក។ រីឯក្រុម យុវជនជីភូ នឹងត្រូវជួបក្រុម យុវជនសាមគ្គី នៅម៉ោង ២ រសៀល។

ដោយឡែកនៅថ្ងៃ ពុធ ទី ១៨ ខែ មិថុនា នឹងមានមួយគូទៀត គឺជាការជួបគ្នារវាងក្រុមព្រះខ័នរាជស្វាយរៀង U18 ទល់នឹងក្រុម ភូមិហ៊ីង៕

អត្ថបទ៖ សេម កុសល