កីឡា

ក្រោយឈ្នះជើងឯកយប់មិញ ក្រុមបាល់ទះនារី អ៉ីតាលី ឈ្នះជើងឯកគ្រប់ព្រឹត្តិការណ៍ធំៗលើលោកទាំងអស់

បានផុស

១១ ខែ មុន

នៅ

ថ្ងៃចន្ទ ៨ កញ្ញា ២០២៥

ដោយ

ក្រុមបាល់ទះជម្រើសជាតិនារី អ៉ីតាលី បានឈ្នះជើងឯកបាល់ទះនារីពិភពលោក (FIVB Volleyball Women’s World Championship) ឆ្នាំ ២០២៥ បន្ទាប់ពីបានយកឈ្នះលើក្រុមនារី តួកគី ដោយលទ្ធផល ៣-២ នៅវគ្គផ្តាច់ព្រ័ត្រ នាយប់ថ្ងៃអាទិត្យ ទី៧ ខែកញ្ញា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាពិតជាអស្ចារ្យណាស់ សម្រាប់ក្រុមបាល់ទះនារី អ៉ីតាលី ដោយពួកគេបានឈ្នះជើងឯក (មេដាយមាស)ពិភពលោកគ្រប់កម្មវិធីបាល់ទះធំៗលើលោក។ និយាយពីព្រឹត្តិការណ៍កីឡាអូឡាំពិក (Olympic Games) អ៉ីតាលី បានឈ្នះមេដាយមាស កាលពី ឆ្នាំ ២០២៤ នៅប្រទេសបារាំង។ ចំណែក ព្រឹត្តិការណ៍ លីគបាល់ទះនារីពិភពលោក (FIVB Women’s Volleyball Nations League) ពួកគេបានឈ្នះជើងឯក ៣ លើកគឺលើកទី១ ឆ្នាំ ២០២២ លើកទី២ និងលើកទី៣ គឺឆ្នាំ ២០២៤ និង ២០២៥។

បន្ទាប់មកនៅឆ្នាំ ២០២៥ ពួកគេបានឈ្នះជើងឯកបាល់ទះនារីពិភពលោក ឆ្នាំ ២០២៥ ដែលជាការឈ្នះជើងឯកលើកទី ២ ក្នុងប្រវត្តិសាស្ត្ររបស់ខ្លួន បន្ទាប់ពីពួកគេបានឈ្នះលើកទី១ កាលពីឆ្នាំ ២០០២។

អ្វីដែលភ្ញាក់ផ្អើល ក្រុមនារី អ៉ីតាលី បានបង្កើតកំណត់ត្រាឈ្នះការប្រកួត ៣៦ លើកជាប់គ្នា ដោយគ្មានក្រុមនារីណាយកឈ្នះពួកគេបានឡើយនាមួយរយៈពេលចុងក្រោយ។

នៅមានព្រឹត្តិការណ៍កម្រិតពិភពលោក និងតំបន់ជាច្រើនទៀតដែល ពួកគេ បានឈ្នះជើងឯក ដូចជា World Cup ពីរលើក World Grand Champions Cup ១ លើក ជើងឯកទ្វីបអឺរ៉ុប European Championship ៣ លើក Univeersiadde ៣លើក និង Medditerranean Games ៨ លើក ព្រមទាំងចំណាត់ថ្នាក់លេខ ២ (មេដាយប្រាក់) និងចំណាត់ថ្នាក់លេខ៣ (មេដាយសំរិទ្ធ) ជាច្រើនទៀត៕