បច្ចេកវិទ្យា
ប្រព័ន្ធសុវត្ថិភាពរថយន្តរបស់ក្រុមហ៊ុន Tesla បរាជ័យសាកល្បង បណ្ដាលឱ្យមនុស្ស ២នាក់ស្លាប់
ប្រព័ន្ធជំនួយសុវត្ថិភាព Autopilot នៃក្រុមហ៊ុន Tesla របស់មហាសេដ្ឋី Elon Musk កំពុងស្ថិតនៅក្រោមការត្រួតពិនិត្យកាន់តែខ្លាំងបន្ថែមទៀត ក្រោយបរាជ័យសាកល្បង បណ្ដាលឱ្យអ្នកបើកបរម៉ូតូពីរនាក់បានស្លាប់។ បច្ចុប្បន្នករណីស្លាប់នេះបាននិងកំពុងស៊ើបអង្កេតដោយរដ្ឋបាលសុវត្ថិភាពចរាចរណ៍ផ្លូវជាតិ (NHTSA) នៅសហរដ្ឋអាមេរិក។
ការបរជ័យសាកល្បងលើកទី១ កើតឡើងនៅថ្ងៃទី៧ ខែកក្កដា ឆ្នាំ២០២២ នៅ Riverside រដ្ឋកាលីហ្វ័រញ៉ា ដោយរថយន្ត Tesla Model Y បានប៉ះទង្គិចនឹងម៉ូតូ Yamaha V Star ។ ចំណែកលើកទី២ កើតឡើងនៅ ១៧ ថ្ងៃក្រោយពីករណីទី១ នៅក្នុងរដ្ឋ Utah ដែលរថយន្ត Model 3 បានបុកជាមួយម៉ូតូ Harley-Davidson ធ្វើឱ្យអ្នកជិះម៉ូតូ ២នាក់ស្លាប់នៅកន្លែងកើតហេតុ ។
ការបរាជ័យទាំងពីរលើកនេះ បានបណ្ដាលឱ្យអ្នកប្រើប្រាស់មានការភ័យខ្លាចថាអាចនឹងមានបញ្ហាជាមួយនឹងបច្ចេកវិទ្យាជំនួយរបស់អ្នកបើកបររបស់ក្រុមហ៊ុន Tesla ជាពិសេសបញ្ហាសម្គាល់ម៉ូតូនៅលើដងផ្លូវ។
តាមរបាយការណ៍ បានឱ្យដឹងថា ក្នុងចំណោមឧបទ្ទវហេតុចំនួន ៣០ករណី នៅអាមេរិក ដែលប្រព័ន្ធ Autopilot របស់ក្រុមហ៊ុន Tesla បរាជ័យសាកល្បងនាពេលកន្លងមក មាន ១៩ករណីបានបណ្តាលឲ្យមនុស្សស្លាប់។
កាលពីខែមិថុនា ឆ្នាំ២០២១ កន្លងទៅ ក្រុមហ៊ុន Tesla បានទម្លាក់ឧបករណ៍ចាប់សញ្ញារ៉ាដាពីប្រព័ន្ធសុវត្ថិភាពសកម្ម Autopilot របស់ខ្លួន និងបានកំណែទម្រង់កាមេរ៉ាគឺ Tesla Vision ។ Tesla Vision ដំណើរការដោយកាមេរ៉ាចំនួន ៨គ្រាប់ ដែលដាក់ជុំវិញរថយន្ត និងគ្មានរ៉ាដា។ កាមេរ៉ានេះប្រៀបជាដូចជាភ្នែកអ៊ីចឹង វាបញ្ជូនរូបភាពទៅកាន់បណ្តាញកុំព្យូទ័រ និងវិភាគវត្ថុនានានៅលើផ្លូវ។
ប៉ុន្តែក្រោយបរាជ័យជាច្រើនដង គេសង្ស័យថា Tesla Vision ទំនងមិនដំណើរការក្នុងស្ថានភាពងងឹត និងលក្ខខណ្ឌអាកាសធាតុមិនល្អឡើយ ហើយពេលនេះ អាមេរិកកំពុងត្រួតពិនិត្យយ៉ាងហ្មតចត់លើប្រព័ន្ធសុវត្ថិភាពមួយនេះ៕
ប្រែសម្រួល៖ សន្យា
ប្រភព៖ CarBuyer
ចុចអាន៖ Apple ស្នើអ្នកផ្គត់ផ្គង់គ្រឿងបន្លាស់កុំដាក់ស្លាកសញ្ញាថា “ផលិតនៅតៃវ៉ាន់”
ចុចអាន៖ ប្រវត្តិនៃការចាប់ផ្ដើម និងរឿងរ៉ាវពីក្រោយភាពជោគជ័យរបស់ Samsung
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍១ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?