មេដឹកនាំ អាស៊ាន ជួបពិភាក្សាគ្នាអំពីបញ្ហានៅមីយ៉ាន់ម៉ា ខណៈជាដំណើរទស្សនកិច្ចក្រៅប្រទេសលើកដំបូងរបស់មេដឹកនាំយោធា

មេដឹកនាំអាស៊ីអាគ្នេយ៍ (អាស៊ាន) កំពុងប្រជុំនៅថ្ងៃសៅរ៍នេះនៅប្រទេសឥណ្ឌូនេស៊ី ហើយមេដឹកនាំទាំងនោះនឹងពិភាក្សាពីវិធីដើម្បីបញ្ចប់ការបង្ហូរឈាមនៅប្រទេសមីយ៉ាន់ម៉ា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំយោធាមីយ៉ាន់ម៉ាគឺលោកឧត្តមសេនីយ Min Aung Hlaing ក៏បានចូលរួមក្នុងកិច្ចប្រជុំនោះផងដែរ ខណៈនេះជាដំណើរទស្សនកិច្ចក្រៅប្រទេសលើកដំបូងរបស់លោក ចាប់តាំងពីកងកម្លាំងប្រដាប់អាវុធរបស់ប្រទេសនេះបានធ្វើរដ្ឋប្រហារនៅថ្ងៃទី ១ ខែកុម្ភៈ ។

ប្រភពការទូតនិយាយថា ការជួបប្រជុំនៃសមាគមប្រជាជាតិអាស៊ីអាគ្នេយ៍នៅទីក្រុងហ្សាកាតា មិនមែនជា “ជំនួបកំពូល” នោះទេ ប៉ុន្តែមានគោលបំណងបង្ហាញពីជំហររបស់អាស៊ាន មិនទទួលស្គាល់ឧត្តមសេនីយ៍ក្នុងនាមជាតំណាងជាតិរបស់មីយ៉ាន់ម៉ា ។

ប៉ុន្តែយោធាហាក់ដូចជាមានចេតនាប្រើប្រាស់ការជួបប្រជុំនេះ ដើម្បីបង្ហាញអំពីភាពត្រឹមត្រូវនៃការធ្វើរដ្ឋប្រហាររបស់ខ្លួន និងការគាំទ្រចំពោះផែនការរបស់ខ្លួនក្នុងការបោះឆ្នោតទូទៅសាជាថ្មី ។

ការផ្តោតសំខាន់នេះគឺថា តើសមាជិកអាស៊ាន អាចរួបរួមគ្នាក្នុងការបង្ហាញក្តីកង្វល់ជាអន្តរជាតិអំពីភាពសាហាវឃោរឃៅរបស់យោធា និងជួយសម្រុះសម្រួលដំណោះស្រាយចំពោះភាពវឹកវរនេះដែរឬយ៉ាងណា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ សម្តេច​តេ​ជោ ហ៊ុន សែន កំពុង​ដឹកនាំ​ប្រតិភូ​ទៅ​ចូលរួម​កិច្ចប្រជុំ​កំពូល​អាស៊ាន នៅ​ទីក្រុង​ហ្សា​កាតា

ចុចអាន ៖ អ្នកណានឹងចូលរួមកិច្ចប្រជុំកំពូលអាស៊ានឆ្នាំនេះតំណាងប្រទេស មីយ៉ាន់ម៉ា?​