ថ្នាក់ដឹកនាំ និងបុគ្គលិកនៃមន្ទីរពេទ្យគន្ធបុប្ផា ថ្លែងអំណរគុណសម្តេចតេជោ និងសម្តេចកិត្តិព្រឹទ្ធ​បណ្ឌិត

អំណោយផ្លែមៀនរបស់សម្តេចតេជោ និងសម្តេចកិត្តិព្រឹទ្ធបណ្ឌិត បានប្រគល់ជូនថ្នាក់ដឹកនាំ និង​បុគ្គលិកនៃមន្ទីរពេទ្យគន្ធបុប្ផា ចំនួន​៣​តោន​ កាលពីព្រឹកមិញ​នេះ។

​ថ្នាក់ដឹកនាំ និង​តំណាង​ឲ្យ​បុគ្គលិក​មន្ទីរពេទ្យ​គន្ធបុប្ផា ព្រមទាំង​កុមារ​-​អាណាព្យាបាល ដែល​កំពុង​សម្រាក​ព្យាបាល​ជំងឺ នៅ​មន្ទីរពេទ្យ​គន្ធបុប្ផា សូម​គោរព​ថ្លែង​អំណរ​អរគុណ និង​សម្តែង​នូវ​សមានចិត្ត​កតញ្ញូ​ដ៏​ជ្រាលជ្រៅ​បំផុត ជូន​ចំពោះ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដែល​បានផ្តល់​ឲ្យ​យើងខ្ញុំ នូវ​ផ្លែ​មៀន​ដ៏​ឈ្ងុយឆ្ងាញ់ ចំនួន​៣​តោន ជា​និមិត្តរូប​នៃ​ដួងចិត្ត​មេត្តាធម៌ និង​ការ​គិតគូរ​ដល់​សុខទុក្ខ​របស់​យើងខ្ញុំ​ទាំងអស់គ្នា និង​ជានិច្ចកាល​ដល់​មន្ទីរពេទ្យ​គន្ធបុប្ផា​៕

អត្ថបទ៖ ​រស្មី​