ព័ត៌មានអន្ដរជាតិ

ខេត្តធំមួយនៅកាណាដាចាត់វិធានការឲ្យអ្នកអត់ចាក់វ៉ាក់សាំងបង់ពន្ធ

បានផុស

៥ years មុន

នៅ

ថ្ងៃពុធ ១២ មករា ២០២២

ដោយ

កេបិចជាខេត្តដែលមានប្រជាជនច្រើនបំផុតលំដាប់ទី២របស់ប្រទេសកាណាដាកំពុងរៀបចំផែនការបង្ខំឲ្យមនុស្សធំដែលបដិសេធចាក់វ៉ាក់សាំងឲ្យបង់ប្រាក់«រួមចំណែកសុខភាព»នៅក្នុងចំណាត់ការទំនងជាពិភាក្សាអំពីសិទ្ធិបុគ្គល និងការទទួលខុសត្រូវចំពោះសង្គម។

អភិបាលខេត្តកេបិច លោក Francois Legault បាននិយាយកាលពីថ្ងៃអង្គារ៍ថា ផែនការ ដែលកំពុងត្រូវការជជែកលំអិតដើម្បីសម្រេចចុងក្រោយនឹងមិនអនុវត្តចំពោះបុគ្គលណាដែលមិនចាក់វ៉ាក់សាំងបង្ការកូវីដដោយហេតុផលវេជ្ជសាស្ត្រឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Legault បានលើកឡើងថា មនុស្សដែលមិនចាក់វ៉ាក់សាំងបានដាក់បន្ទុផ្នែកហិរញ្ញវត្ថុដល់អ្នកដទៃ ហើយមន្ទីរហិរញ្ញវត្ថុខេត្តនឹងកំណត់ពីចំនួនទឹកប្រាក់ជាក់លាក់ដែលអ្នកមិនចាក់វ៉ាក់សាំងតម្រូវឲ្យបង់ប្រាក់។ លោកបន្ថែមថា ចំនួនដែលត្រូវបង់នឹងមិនតិចជាង១០០ដុល្លារកាណាដា (ប្រហែល៧៩.៥០ដុល្លារអាមេរិក)។

រដ្ឋាភិបាលទូទាំងពិភពលោកបានចាត់វិធានការយ៉ាងតឹងរឹងចំពោះអ្នកដែលមិនចាក់វ៉ាក់សាំង និងកម្រិតនៃការពិន័យចំពោះមនុស្សចាស់ ប៉ុន្តែការយកពន្ធលើមនុស្សធំពេញវ័យមិនចាក់វ៉ាក់សាំងអាចជាចំណាត់ការដ៏កម្រ និងចម្រូងចម្រាស។

លោក Carolyn Ells សាស្ត្រាចារ្យវេជ្ជសាស្ត្រសុខាភិបាលនៅសាកលវិទ្យាល័យ McGill បានឲ្យដឹងថា ខណៈពេលពន្ធបែបនេះអាចត្រូវបានរាប់ជាសុចរិតនៅក្នុងបរិបទនៃភាពអាសន្នផ្នែកសុខភាព ថាតើវាអាចរស់ទៅបានអាស្រ័យលើបញ្ហាប្រឈមរបស់តុលាការលើសេចក្តីលំអិត។

ប៉ុន្តែលោក Ells បានបង្ហាញចំណាប់អារម្មណ៍ភ្ញាក់ផ្អើលថា ឥឡូវនេះ រដ្ឋាភិបាលកំពុងបោះជំហានយ៉ាងខ្លាំងមួយ នៅពេលជម្រើសនៃការពង្រីកសិទ្ធិអនុវត្តវ៉ាក់សាំងនៅមាន។

ខេត្តទូទាំងប្រទេសកាណាដាបានកំពុងដោះស្រាយនឹងការកើនឡើងនៃករណីឆ្លងកូវីដ-១៩ដែលបង្ខំឲ្យមនុស្សរាប់ម៉ឺននាក់ធ្វើចត្តាឡីស័ក និងដាក់បន្ទុកលើវិស័យសុខាភិបាល។

លោក Legault បានបញ្ជាក់ថា ទូទាំងខេត្តរបស់លោកមានប្រជាជនអត់ចាក់វ៉ាក់សាំងប្រហែលជា១០%ដែលអ្នកអត់ចាក់វ៉ាក់សាំងនោះបានឆ្លងកូវីដមានប្រហែល៥០%ស្ថិតនៅមណ្ឌលដែលត្រូវការព្យាបាលកម្រិតខ្ពស់៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសកាណាដា