កីឡា

អតីតម្ចាស់ក្លឹប Chelsea នឹងត្រូវរឹបអូសទ្រព្យមែនពិត តែមានរបស់មួយប្រណិត ប៉ះពាល់មិនបាន

បានផុស

៤ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

បន្ទាប់ពីមានដំណឹងនៃការលក់ក្លឹប Chelsea ដែលខ្លួនបានកាន់កាប់តាំងពីឆ្នាំ ២០០៣ ដោយសារតែសម្ពាធពីសង្គ្រាមរុស្ស៊ីជាមួយអ៊ុយក្រែន។ ដោយឡែកកាលពីថ្មីៗនេះ លោក Chris Bryant សមាជិកសភាមកពីគណបក្សការងារ នៃចក្រភពអង់គ្លេស បានអំពាវនាវឲ្យមានការរឹបអូសទ្រព្យសម្បត្តិ លោក Roman Abramovich ដោយនិយាយថា គាត់មិនគួរក្លាយជាម្ចាស់ក្លឹប Chelsea ទៀតទេ ជាពិសេសនោះគឺ វិមានដ៏ប្រណិតមួយនៅទីក្រុងឡុងដ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទិននឹងបញ្ហានេះ បានធ្វើឲ្យមានការរិះគន់ជាច្រើនថាសមរម្យឬអត់។ ជាពិសេសអ្នកគាំទ្រ Chelsea មើលឃើញថា វាអយុត្តិធម៌ចំពោះអតីតប្រធានក្លឹបរូបនេះ។

ទោះយ៉ាងណាក៏ដោយ មានទ្រព្យសម្បត្តិមួយដែលលោក នឹងមិនរងផលប៉ះពាល់នោះគឺនាវាយក្ស Solaris ដែលត្រូវបានគេនិយាយថាជាលេខ១ ក្នុងពិភពប្រណីត នៅលើសមុទ្រដែលចតនៅ Barcelona ប្រទេសអេស្ប៉ាញ និងមានតម្លៃប្រហែល ៤៣០ លានផោន និងមានប្រវែង ១៤០ម៉ែត្រ ។ នាវាកម្ពស់ ៨ជាន់នេះ ជានាវាចុងក្រោយរបស់លោក Abramovich ដ៏មានឥទ្ធិពលបំផុតនៅក្នុងពិភពលោក។ វាត្រូវបានសាងសង់នៅឯកន្លែងផលិតកប៉ាល់ Lloyd Verft នៅ Bremerhaven ប្រទេសអាល្លឺម៉ង់ ទីតាំងដែលធ្លាប់សាងសង់ មានទំហំធំជាងវិមាន Buckingham របស់ប្រទេសអង់គ្លេស។

យោងតាមគេហទំព័រ The Sun នាវា Solaris មាន ៤៨ បន្ទប់ ផ្ទុកអ្នកដំណើរ VIP ចំនួន ៣៦ នាក់ និងសមាជិកនាវិកចំនួន ៦០នាក់ បូករួមទាំងម៉ាស៊ីនដ៏ខ្លាំងបំផុតចំនួន ២ ដែលនឹងធ្វើឲ្យនាវានេះ មានថាមពលខ្លាំងបំផុតនៅក្នុងពិភពលោក។

លោក Abramovich ជាម្ចាស់ និងធ្លាប់មានទូកទេសចរណ៍ប្រណីតចំនួន ៦ ផ្សេងទៀតរួមមាន Le Grand Bleu តម្លៃ ១៣៥ លានផោន, Saszorro ១៦ លានផោន , Ektasi ១១០លានផោន, Pelorus ២៧០ លានផោន , Luna ២១០ លានផោន និង Olympia ២៥ លានផោន ។

បន្ថែមពីនេះ លោកក៏ជាម្ចាស់អាជីវកម្មឧស្សាហកម្មដែក និងការវិនិយោគជាច្រើននៅជុំវិញពិភពលោក ជាប់ចំណាត់ថ្នាក់ដោយទស្សនាវដ្ដី Forbes ជាមហាសេដ្ឋីលំដាប់ទី ១១៣ នៅលើពិភពលោក សម្រាប់ឆ្នាំ ២០២១ ជាមួយនឹងទ្រព្យសម្បត្តិប៉ាន់ស្មានចំនួន ១៤.៤ ពាន់លានដុល្លារ ក្រៅពីទូកទេសចរណ៍ដ៏ប្រណិត លោកក៏មានផ្ទះ ឬវិមានផ្ទាល់ខ្លួនជាច្រើនជុំវិញពិភពលោកចាប់ពី ១ ក្នុង ទីក្រុងឡុងដ៍ ប្រទេសអង់គ្លេស ៣ នៅប្រទេសបារាំង ៤ នៅប្រទេសរុស្ស៊ី ៣នៅសហរដ្ឋអាមេរិក សណ្ឋាគារនៅអ៊ីស្រាអែល និងវីឡាប្រណិតនៅសមុទ្រការាបៀន៕

ប្រែសម្រួល៖ សាង ស្រីល័ក្ខ

ចុចអាន៖ស្ថានភាពសង្គ្រាមរវាង រុស្ស៊ី-អ៊ុយក្រែន កាន់តែក្ដៅ ម្ចាស់ក្លឹប Chelsea សម្រេចលាលែងតំណែង

ចុចអាន៖អង់គ្លេស ស្នើដកម្ចាស់ក្លឹប Chelsea ក្រោយពិភពលោកផ្ដាច់ទំនាក់ទំនងសឹងទាំងអស់ជាមួយ រុស្ស៊ី