ព័ត៌មានជាតិ
លោក ជា សុផារ៉ា ស្នើសុំអភិបាលខេត្តកំពតគ្រប់គ្រងផ្ទៃដី «ស្រែអំបិល» ដោយមិនត្រូវអនុញ្ញាតឲ្យមានការសាងសង់អ្វីឡើយ
លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្នើសុំអភិបាលខេត្តកំពត ត្រូវរៀបចំគ្រប់គ្រងផ្ទៃដី «ស្រែអំបិល» ដោយមិនត្រូវអនុញ្ញាតឲ្យមានការសាងសង់លំនៅដ្ឋាន ឬក៏បញ្ហាកែប្រែប្រភេទដីឡើយ។
ការស្នើសុំនេះ គ្រាដែលលោក ជា សុផារ៉ា តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា អញ្ជើញជាអធិបតីភាពក្នុងពិធីបញ្ចុះបឋមសិលា បើកការដ្ឋានសាងមណ្ឌលភស្តុភារកម្ម និងកំពង់ផែពហុបំណងខេត្តកំពត នៅព្រឹកថ្ងៃទី ៥ ខែឧសភានេះ។
លោក ជា សុផារ៉ា មានប្រសាសន៍ថា «នៅមានស្រែអំបិលមួយទៀត ស្រែអំបិលនៅកំពតនេះមាន ៣,៧២៦ហិកតា តួលេខនេះត្រូវតែរក្សាទុក នេះគឺសុំឯកឧត្ដមអភិបាលខេត្ត រៀបចំគ្រប់គ្រងមិនអនុញ្ញាតឲ្យមានការកែប្រែប្រភេទដី ដីស្រែអំបិល ដែលចាត់ទុកថាវាជាទំនិញពិសេសរបស់កម្ពុជា របស់យើង»។
លោកឧបនាយករដ្ឋមន្ត្រី បានលើកឡើងថា ទោះបីជាអំបិលនៅខេត្តកំពតនេះ មានពណ៌ខ្មៅបន្តិច តែវាអាចទប់ស្កាត់ជំងឺពកក ប្រសើរជាជាងកម្ពុជាត្រូវទិញអំបិលពីប្រទេសវៀតណាម ឡាវ ដែលមានពណ៌ស តែមិនដឹងថា ប្រើសារធាតុគីមីបែបណាខ្លះនោះទេ។
លោក ជា សុផារ៉ា បានលើកឡើងទៀតថា «អំបិល ដែលជាអំបិលគ្រួសធម្មជាតិ គឺចាត់ទុកថា ជាអំបិលផ្ដល់នូវផាសុកភាព តែបើអំបិលសស្គុះ គឺខ្ញុំថាមិនគួរ បើយើងមានអំបិលហើយ លើកទឹកចិត្តកសិកម្មក្នុងការផលិត ហើយអាចនឹងនាំចេញ តែផ្ទុយទៅវិញការកែប្រែប្រភេទដី មិនឲ្យទៅជាការផលិតអំបិលទេ គឺយើងពិតជាមានការសោកស្ដាយ»។
ជាមួយគ្នានេះ លោក ជា សុផារ៉ា បានស្នើសុំលោក ម៉ៅ ធនិន អភិបាល នៃគណៈអភិបាលខេត្តកំពត ត្រូវគ្រប់គ្រងផ្ទៃដី ដែលអាចផលិតអំបិលបានទាំង ៣,៧២៦ហិកតាឲ្យបាល្អ ដោយមិនត្រូវអនុញ្ញាតមានការធ្វើសំណង់លំនៅដ្ឋាន ឬក៏បញ្ហាកែប្រែប្រភេទដីអ្វីផ្សេងទៀតឡើយ៕
អត្ថបទ៖ ឃួន សុភ័ក្រ
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល