KPT+

ហេតុផល ៤ យ៉ាងធំៗ មិត្តភាពតែងតែបញ្ចប់ ដោយការមើលមុខគ្នាមិនត្រង់

បានផុស

៤ years មុន

នៅ

ថ្ងៃអង្គារ ៣១ ឧសភា ២០២២

ដោយ

តើអ្នកគិតថា អ្វីជាមូលហេតុចម្បង ដែលធ្វើឲ្យមិត្តភាពរវាងអ្នក និងមិត្តរបស់អ្នកត្រូវបញ្ចប់? ការសិក្សាថ្មីមួយលើមនុស្សចំនួន ៥៧៧នាក់ ដែលមានអាយុចាប់ពី ១៨ឆ្នាំឡើងទៅ បានរកឃើញថា មានមូលហេតុចម្បង ៤ ដែលធ្វើឲ្យមិត្តភាពបញ្ចប់ដោយការមើលមុខគ្នាមិនត្រង់។

១ អាត្មានិយម

ភាពអាត្មានិយម ការកេងប្រវ័ញ្ច បណ្ដាលឲ្យមិនទុកចិត្ត ការនិយមគ្រប់គ្រងលើអ្នកដទៃ ពូកែលូកលាន់រឿងផ្ទាល់ខ្លួនគេជាងរឿងខ្លួនឯង ដោយមិនអាណិតមិត្ត។ ទាំងអស់នេះ សុទ្ធតែជាបញ្ហាចម្បងធំដែលមិត្ត មិនគួរធ្វើលើមិត្តទាល់តែសោះ។ ការសិក្សាក៏បានបង្ហាញផងដែរថា មនុស្សស្រីទំនងជាបែកគ្នាជាមួយមិត្តភក្តិជាងបុរសដោយហេតុផលអាត្មានិយម។

២ មិនទាក់ទងគ្នាញឹកញាប់ដូចមុន

ការប្រាស្រ័យទាក់ទងគ្នានៅទីនេះមានន័យថា ការនិយាយគ្នា ការជួបគ្នា រួមទាំងការធ្វើដំណើរជាមួយគ្នាផងដែរ។ ប៉ុន្តែអ្វីដែលគួរឲ្យចាប់អារម្មណ៍ បុរសអាចប្រើលេសនេះ ជាហេតុផល ដើម្បីបញ្ចប់ទំនាក់ទំនងរវាងបុរសៗគ្នាឯង។ ចំពោះមនុស្សស្រី អាចថាកម្រណាស់ ព្រោះមនុស្សស្រីនិយមណាត់គ្នាជួបជុំនិយាយតែរឿងឥតប្រយោជន៍ច្រើន រហូតមិនសូវប្រើលេសនេះ។

៣ គិតលើសមិត្ត

នេះអាចជាមូលហេតុដ៏ពេញនិយមមួយទៀត ដែលធ្វើឲ្យមិត្តភាពបែកបាក់។ សម្រាប់បុរសឬនារី ដែលមានការគិតលើស មិត្ត ការសិក្សាបានបង្ហាញឲ្យដឹងថា ការព្យាយាមឆ្លងកាត់ស្ថានភាព FriendZone។ ស្ត្រីទំនងជាសុំឲ្យបញ្ចប់ទំនាក់ទំនង ប្រសិនបើអ្នកដទៃ ឬមិត្ត គិតច្រើនពេកពីមិត្តភក្ដិរបស់ពួកគេ។

៤ មនុស្សជុំវិញមិនយល់ស្រប

ហេតុផលចុងក្រោយដែលមនុស្សបញ្ចេញមតិថា ពួកគេប្រហែលជាមិនមានទំនាក់ទំនងគឺមកពីមិត្តភក្តិ មនុស្សជុំវិញខ្លួន និងសូម្បីតែសមាជិកគ្រួសារនិយាយថា ខ្ញុំមិនយល់ស្របជាមួយនឹងមនុស្សនេះទេ។ ក្នុងនោះក៏មានហេតុផលមួយទៀត វាដូចជាការព្រមាន ពីមនុស្សជុំវិញខ្លួនយើង ទាំងបុរសនិងស្ត្រី គឺងាយនឹងជួបបញ្ហានេះស្មើគ្នា។

ទីបំផុត លទ្ធផលនៃការសិក្សាបង្ហាញថា អ្នកកាន់តែចាស់ អ្នករឹតតែចង់បែកគ្នាជាមួយមិត្តភ័ក្ដិ។ ខណៈពេលអ្នកមានគ្រួសារ ឬបានជួបមនុស្សដែលអ្នកស្រលាញ់គេពិត មិត្តភាពក៏ចាប់ផ្ដើមរលះរលាំងចេញបន្តិចម្ដង ដោយមិនដឹងខ្លួន។ទោះយ៉ាងណា បើអ្នកមិនចង់ឲ្យមិត្តភាពត្រូវបញ្ចប់ទេ គួរណាត់គ្នា ឬជជែកតាមទូរស័ព្ទក៏បាន ជាមួយមិត្តដែលរាប់គ្នាមកជាយូរ។ កុំឲ្យហួសពេលឲ្យសោះ៕

ប្រែសម្រួល៖ សាង ស្រីល័ក្ខ

ចុចអាន៖សម្គាល់មិត្តក្លែងក្លាយរាប់អានបន្លំៗ ដោយចំណុចទាំង ៥ នេះ

ចុចអាន៖តើអ្នកគិតថា អ្វីជាមូលហេតុចម្បង ដែលធ្វើឲ្យមិត្តភាពរវាងអ្នក និងមិត្តរបស់អ្នកត្រូវបញ្ចប់?