ធ្លាយដំណឹង លោក Zelenky ត្រៀមបណ្ដេញប្រធានសេវាសន្តិសុខ អ៊ុយក្រែន ចេញពីតំណែង

សារព័ត៌មាន Politico បានរាយការណ៍ថា ប្រធានាធិបតីអ៊ុយក្រែនលោក Volodymyr Zelensky មានបំណងបណ្តេញប្រធានសេវាសន្តិសុខអ៊ុយក្រែន (SBU) លោក Ivan Bakanov ចេញពីតំណែង ។

មន្ត្រីកំពូលម្នាក់បាននិយាយក្នុងលក្ខខណ្ឌមិនបញ្ចេញឈ្មោះថា “យើងមិនមានការពេញចិត្តយ៉ាងខ្លាំងចំពោះការងាររបស់លោក Bakanov ហើយកំពុងធ្វើការដើម្បីបណ្ដេញគាត់ចេញពីតំណែង” ។

យោងតាម Politico បានឲ្យដឹងទៀតថា ការមិនពេញចិត្តនឹងការងាររបស់លោក Bakanov បានកើនឡើង បន្ទាប់ពីការវាយលុករបស់រុស្ស៊ីកាលពីថ្ងៃទី ២៤ ខែកុម្ភៈជុំវិញការបាត់បង់ទឹកដីដ៏ធំនៅតំបន់ Donbass របស់អ៊ុយក្រែន ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក ពូទីន ចាត់ទុកជា “ប្រតិបត្តិការយោធាពិសេស” បានអូសបន្លាយពេល ៤ ខែមកហើយ ចាប់តាំងពីផ្ទុះការវាយលុយកនៅថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Zelensky ថា រុស្ស៊ី បានលួចសន្តិភាពរបស់ អ៊ុយក្រែន