លោក Wang Yi ថ្លែងពី កម្ពុជា ថា អាមេរិក មិនគោរពគោលនយោបាយ ចិន តែមួយទេ

ទីប្រឹក្សារដ្ឋ និងជារដ្ឋមន្ត្រីការបរទេសចិនលោក Wang Yi បាននិយាយនៅក្នុងសន្និសីទសារព័ត៌មានមួយនៅទីក្រុងភ្នំពេញ នៃព្រះរាជាណាចក្រកម្ពុជាកាលពីយប់ថ្ងៃសុក្រថា ប្រទេសចិនមានតែមួយប៉ុណ្ណោះនៅលើពិភពលោក ហើយតៃវ៉ាន់គឺជាផ្នែកដែលមិនអាចកាត់ផ្តាច់បាននៃទឹកដីរបស់ប្រទេសចិន ។

លោក Wang Yi បានចង្អុលបង្ហាញថា វាគឺជាពាក្យចចាមអារ៉ាម និងការបង្កាច់បង្ខូចទាំងស្រុង ដែលសហរដ្ឋអាមេរិកបាននិយាយថា ប្រទេសចិនបានផ្លាស់ប្តូរស្ថានភាពនៅច្រកសមុទ្រតៃវ៉ាន់ ហើយអាមេរិកមិនបានគោរពគោលនយោបាយចិនតែមួយឡើយ ។ លោក Wang Yi បាននិយាយទៀតថា តៃវ៉ាន់គឺជាផ្នែកមួយរបស់ប្រទេសចិន និងមិនដែលធ្លាប់ជាប្រទេសមួយនោះទេ ។

លោក Wang Yi បញ្ជាក់ថា “សាធារណរដ្ឋប្រជាមានិតចិន គឺជារដ្ឋាភិបាលស្របច្បាប់តែមួយគត់ដែលតំណាងឲ្យប្រទេសចិនទាំងមូល។ នេះគឺជាស្ថានភាពពិតនៃសំណួរតៃវ៉ាន់ ។ ឥឡូវនេះ វាគឺជាសហរដ្ឋអាមេរិក និងកងកម្លាំងបំបែកខ្លួននៅតៃវ៉ាន់ ដែលបានបំបែកស្ថានភាពនេះ” ។

ជាចុងក្រោយលោករដ្ឋមន្ត្រីការបរទេសចិនបានសង្កត់ធ្ងន់ថា “ប្រសិនបើលោក Sun Yat-sen ដែលជាប្រធានាធិបតីចិនដំបូងគេនៅមានជីវិត គាត់ក៏នឹងនិយាយថា លោកស្រី Tsai Ing-wen គឺជាកូនចៅដែលមិនសក្តិសមផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ចិន លុបចោលជំនួបជាមួយមន្ត្រីការពារជាតិ អាមេរិក ដោយសារលោកស្រី Pelosi