បេក្ខភាពនាយករដ្ឋមន្ត្រីអង់គ្លេស ប្រកាសត្រៀមបាញ់នុយក្លេអ៊ែរ​ បើបានកាន់តំណែង (មានវីដេអូ)

រដ្ឋមន្ត្រីការបរទេសអង់គ្លេស លោកស្រី Liz Truss ដែលជាគូប្រជែងកំពូលសម្រាប់តំណែងនាយករដ្ឋមន្ត្រីអង់គ្លេស និងសម្រាប់តំណែងជាមេដឹកនាំគណបក្សអភិរក្ស បាននិយាយកាលពីថ្ងៃអង្គារទី២៣ខែសីហាថា លោកស្រីបានត្រៀមខ្លួនរួចជាស្រេច ក្នុងការបាញ់នុយក្លេអ៊ែរ ប្រសិនបើចាំបាច់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរថាតើលោកស្រីគិតយ៉ាងណាចំពោះការចុច ប៊ូតុងនុយក្លេអ៊ែរ និងបង្កការបំផ្លិចបំផ្លាញជាសកល ប្រសិនបើចាំបាច់, លោកស្រី Truss បានប្រាប់កិច្ចប្រជុំសមាជិកបក្សអភិរក្សក្នុងទីក្រុង Birmingham ថា “ខ្ញុំគិតថា វាជាកាតព្វកិច្ចដ៏សំខាន់របស់នាយករដ្ឋមន្ត្រី ហើយខ្ញុំត្រៀមខ្លួនរួចជាស្រេចក្នុងការធ្វើដូច្នេះ”។

គួរបញ្ជាក់ថា លោកស្រី Truss និងអតីតអធិការបតីចក្រភពអង់គ្លេស Rishi Sunak គឺជាបេក្ខជន២រូបចុងក្រោយ ក្នុងការបោះឆ្នោតដណ្តើមតំណែងនាយករដ្ឋមន្ត្រី បន្ទាប់ពីលោក Boris Johnson ប្រកាសលាលែងពីតំណែងកាលពីថ្ងៃទី ៧ ខែកក្កដា។

ការ​បោះឆ្នោត​ជុំ​ចុង​ក្រោយ កំពុង​ប្រព្រឹត្ត​ទៅ​រហូត​ដល់​ដើម​ខែ​កញ្ញា។ ក្នុងអំឡុងពេលជុំចុងក្រោយនេះ សមាជិកទាំងអស់នៃគណបក្ស (ប្រហែល២០០ ០០០នាក់) នឹងត្រូវជ្រើសរើសបេក្ខជនម្នាក់ឲ្យកាន់តំណែង។

ការបោះឆ្នោតនឹងធ្វើឡើងតាមប្រៃសណីយ៍ ហើយអ្នកស្នងតំណែងលោក Johnson នឹងត្រូវប្រកាសនៅថ្ងៃទី ៥ខែកញ្ញា៕

សូមទស្សនាវីដេអូ​​៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ចិនព្រមានថា បើ អង់គ្លេស និងអាមេរិក ជ្រៀតជ្រែកបញ្ហាកោះតៃវ៉ាន់ សង្គ្រាមនឹងផ្ទុះឡើង