កីឡា
FIFA ព្រមានដកទុយនីស៊ី ចេញពីការប្រកួត World Cup 2022
ស្ថាប័នគ្រប់គ្រងពិភពលោករបស់ FIFA បានព្រមានសហព័ន្ធបាល់ទាត់ទុយនីស៊ី (TFF) ថា ការចូលរួមក្នុងព្រឹត្តិការណ៍បាល់ទាត់ពិភពលោក (FIFA World Cup 2022) អាចស្ថិតក្រោមការគំរាមកំហែង ប្រសិនបើរកឃើញមានការជ្រៀតជ្រែកពីរដ្ឋាភិបាលនៅក្នុងអង្គការនេះ។
ដោយមានសិទ្ធិចូលលេង World Cup ជាលើកទី៦ ប្រទេសមកពីទ្វីបអាហ្វ្រិកខាងជើងស្ថិតក្នុងពូល D រួមជាមួយក្រុមការពារតំណែងជើងឯកពិភពលោក បារាំង អូស្ត្រាលី និងដាណឺម៉ាក ដោយពួកគេត្រូវជួបប្រកួតបើកឆាកថ្ងៃទី២២ ខែវិច្ឆិកា។
សហព័ន្ធកីឡាបាល់ទាត់អន្តរជាតិ (FIFA) បានផ្ញើលិខិតមួយច្បាប់ទៅ TFF នៅដើមសប្តាហ៍នេះ ដោយបង្ហាញពីការព្រួយបារម្ភ បន្ទាប់ពីរដ្ឋមន្ត្រីក្រសួងយុវជន និងកីឡាទុយនេស៊ី លោក Kamel Deguiche បានគំរាមរំលាយការិយាល័យសហព័ន្ធមួយចំនួន ដែលបានធ្វើឱ្យស្ថាប័នគ្រប់គ្រងពិភពលោកមានការខឹងសម្បារ។
យោងតាមច្បាប់របស់ FIFA សហព័ន្ធនៃប្រទេសជាសមាជិកទាំងអស់ត្រូវតែមិនមានការចូលរួមពីភាគីទី៣ ឬរដ្ឋាភិបាលណាមួយឡើយ។ ជាក់ស្ដែង កេនយ៉ា និងហ្ស៊ីមបាវ៉េ បច្ចុប្បន្នត្រូវបានហាមឃាត់ដោយសារតែការបំពាននេះ។ ប្រទេសឥណ្ឌាត្រូវបានផ្អាកមួយរយៈពេលខ្លី សម្រាប់ហេតុផលដូចគ្នាកាលពីខែសីហាឆ្នាំនេះ។
លិខិតរបស់ Kenny Jean-Marie នាយកគ្រប់គ្រងសមាជិកសហព័ន្ធរបស់ FIFA ផ្ញើជូនអគ្គលេខាធិការ TFF លោក Wajdi Aouadi បានរំលឹកសហព័ន្ធអំពីកាតព្វកិច្ចរបស់ខ្លួនក្នុងការធ្វើសកម្មភាពដោយឯករាជ្យ និងជៀសវាងឥទ្ធិពលហួសហេតុពីភាគីទី៣។ គេត្រូវបាននិយាយថា៖ “ការខកខានណាមួយក្នុងការអនុលោមតាមកាតព្វកិច្ចទាំងនេះអាចបណ្តាលឱ្យមានការដាក់ពិន័យក្រោមច្បាប់របស់ FIFA រួមទាំងការព្យួរសហព័ន្ធដែលពាក់ព័ន្ធ”។
ក្រុមជម្រើសជាតិទុយនីស៊ី មិនដែលឆ្លងផុតវគ្គចែកពូលទេ ខណៈធ្លាប់បង្ហាញខ្លួននៅ World Cup ចំនួន ៣ដងហើយ នៅឆ្នាំ១៩៧៨, ២០០២ និងចុងក្រោយ ២០១៨៕
ប្រភព៖ aljazeera.com
អត្ថបទ៖ មន្នីរ័ត្ន
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល