Jin សមាជិកក្រុម BTS នឹងចូលបម្រើយោធាជួរមុខ នៅខែក្រោយនេះ

Jin សមាជិកនៃក្រុម BTS ត្រូវបានគេរំពឹងថានឹងចូលធ្វើជាទាហាននៅក្នុងខែក្រោយនេះ ដោយតារាចម្រៀងរូបនេះនឹងចូលបម្រើយោធាជួរមុខមួយ នៅជិតតំបន់ព្រំដែនកូរ៉េខាងត្បូងជាមួយកូរ៉េខាងជើង។

សមាជិក BTS វ័យ ២៩ ឆ្នាំរូបនេះបានបង្ហាញព័ត៌មានកាលពីថ្ងៃអាទិត្យនៅលើបណ្តាញសង្គម Weverse ដែលជាវេទិកាសម្រាប់អ្នកគាំទ្រ K-pop បានសួរថាតើគាត់រំភើបចំពោះថ្ងៃខួបកំណើត របស់គាត់ដែរឬទេ។ ភ្លាមៗនោះ Jin ឆ្លើយតបទៅអ្នកគាំទ្រវិញថា “ទេ… ខ្ញុំត្រូវបានគេប្រាប់ឱ្យទៅ ធ្វើជាយោធាជួរមុខ” ។

ជាមួយគា្ននេះ Jin ហាក់ដូចជាបានទទួលការជូនដំណឹងអំពីកាតព្វកិច្ច ដែលលោកត្រូវបានគេតម្រូវឱ្យទៅជំរុំហ្វឹកហាត់នៅតំបន់ជួរមុខមួយក្នុងខែក្រោយ ដោយគេកំណត់ទុកថាខួបកំណើតរបស់លោកគឺនៅថ្ងៃទី ៤ ខែធ្នូ ជាថ្ងៃចូលបម្រើយោធា។

ទោះជាយ៉ាងណាក៏ដោយ ទីភ្នាក់ងាររបស់ផលិកម្ម Big Hit Music ដែលជាអ្នកគ្រប់គ្រង BTS មិនទាន់បានបង្ហាញ ពីកាលបរិច្ឆេទពិតប្រាកដ ឬ ទីកន្លែងនៃការចុះឈ្មោះរបស់ Jin ច្បាស់លាស់នោះទេ៕

ប្រែសម្រួល៖នាងតូច

ចុចអាន៖Minho សមាជិកក្រុម SHINee នឹងចេញអាល់ ប៊ុមទោលដំបូង នៅខែក្រោយនេះ

ចុចអាន៖Jin សមាជិក BTS នឹងចេញបទចម្រៀងទោលចុងក្រោយ មុនបម្រើការងារកងទ័ព