ព័ត៌មានជាតិ
សម្ដេចតេជោ ហ៊ុន សែន ឲ្យនាយឧត្ដមសេនីយ៍ សៅ សុខា បន្តដឹកនាំសហព័ន្ធកីឡាបាល់ទាត់កម្ពុជា បន្តទៀត
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសរសើរនូវការដឹកនាំសហព័ន្ធកីឡាបាល់ទាត់កម្ពុជាពីសំណាក់លោកនាយឧត្ដមសេនីយ៍ សៅ សុខា និងបានអំពាវនាវឲ្យលោកបន្តដឹកនាំសហព័ន្ធកីឡាបាល់ទាត់កម្ពុជា បន្តទៀត។
តាមរយៈសារជាសំឡេង នៅល្ងាចថ្ងៃទី ៨ ខែឧសភានេះ សម្ដេចតេជោ ហ៊ុន សែន លើកឡើងថា បន្ទាប់ពីបញ្ចប់ការប្រកួតបាល់ទាត់រវាងកម្ពុជា-មីយ៉ាន់ម៉ា ដោយទទួលលទ្ធផលមិនបានល្អនោះ គឺលោកនាយឧត្ដមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានសម្រេចចិត្តលាលែងពីតំណែង។
បន្ទាប់ពីមានការសម្រេចបែបនេះ មានមនុស្សមួយចំនួនបានបង្ហាញអំពីការខកចិត្ត និងការសោកស្ដាយចំពោះលោក សៅ សុខា ដែលធ្លាប់បានដឹកនាំ និងធ្វើឲ្យរីកចម្រើនលើផ្នែកកីឡាបាល់ទាត់របស់កម្ពុជា។ សម្រាប់សម្ដេចតេជោ ហ៊ុន សែន ក៏មានការសោកស្ដាយផងដែរ ចំពោះការសម្រេចចិត្តលាលែងពីតំណែងរបស់លោក សៅ សុខា នេះដែរ។
សម្ដេចតេជោ ហ៊ុន សែន ថ្លែងបែបនេះថា «ចាប់តាំងពីឯកឧត្ដម សៅ សុខា បានទទួលនូវមុខតំណែងនេះ កីឡាបាល់ទាត់របស់កម្ពុជា មានការរីកចម្រើនឈានឡើងជាលំដាប់ បើទោះបីជាការលេងរបស់យើងមានលទ្ធផលតាមការចង់បានរបស់យើងក៏ដោយចុះ ក៏ប៉ុន្តែយើងបានដើរចេញឆ្ងាយពីចំណុចដែលយើងមិនធ្លាប់មានកាលពីពេលមុន»។
ក្នុងនាមជានាយករដ្ឋមន្ត្រី សម្ដេចតេជោ ហ៊ុន សែន បានអំពាវនាវឲ្យលោកនាយឧត្ដមសេនីយ៍ សៅ សុខា បន្តធ្វើជាប្រធានសហព័ន្ធកីឡាបាល់ទាត់កម្ពុជាបន្តទៀត ដែលនេះជាបញ្ហារួមរបស់រាជរដ្ឋាភិបាលកម្ពុជា៕
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេចក្ដីជូនដំណឹង២២ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម២ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ