ព័ត៌មានជាតិ

កីឡាការិនី ស្រួង ភាវី យកថវិកាបានពីការប្រកួតទាំងអស់ ទៅបរិច្ចាគជួយដល់កុមារកម្ពុជា

បានផុស

២ years មុន

នៅ

ថ្ងៃចន្ទ ១៥ ឧសភា ២០២៣

ដោយ

កីឡាការិនី ប៊ីយ៉ាការ៉ុម និងស្នូកឃ័រ ស្រួង ភាវី បានបង្ហោះនៅលើហ្វេសប៊ុករបស់ខ្លួនកាលពីថ្ងៃទី១៤ ខែឧសភា នេះថា រាល់ថវិកាដែលបានមកពីការប្រកួតក្នុងព្រឹត្តិការណ៍កីឡាស៊ីហ្គេមលើកទី៣២នេះ គឺប្រមូលចូលក្នុងមូលនិធិសប្បុរសធម៌ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាព៖ Sruong Pheavy

ថវិកាទាំងអស់នោះ នៅក្នុងការប្រកួត មិនថាឈ្នះ ឬ ចាញ់ តិចក្តី ច្រើនក្តី នឹងយកទៅបរិច្ចាគដល់មូលនិធិសប្បុរសធម៌ទាំងអស់ ដើម្បីជួយកុមារនៅកម្ពុជា។ នេះបើតាមការបង្ហោះរបស់កីឡាការិនី ស្រួង ភាវី។

រូបភាព៖ Sruong Pheavy

អ្នកនាង ស្រួង ភាវី បានសង្កត់ធ្ងន់ថា៖ “តាមពិតទៅ ខ្ញុំមិនមែនជាមានទ្រព្យធនច្រើនអីទេ តែខ្ញុំធ្វើនេះ គឺព្រោះចង់បង្ហាញឱ្យឃើញថា រាល់សកម្មភាពពីមុន និងឥឡូវ ហើយទៅអនាគត គឺនៅដដែល ក្នុងការជួយដល់ប្អូនៗនៅក្នុងប្រទេសខ្មែរដែលត្រូវការជំនួយជាចាំបាច់ក្នុងការស្វែងរកការរៀនសូត្រក្រេបយកចំណេះដឹងទៅអនាគត”។

សូមជម្រាបថា ក្នុងព្រឹត្តិការណ៍កីឡាស៊ីហ្គេមលើកទី៣២នេះ កីឡាការិនីឆ្នើមរបស់កម្ពុជា អ្នកនាង ស្រួង ភាវី បានឈ្នះមាដាយមាសជូនកម្ពុជា សម្រាប់ការប្រកួតកីឡាប៊ីយ៉ាការ៉ុម លើវិញ្ញាសារ៣បាំង និងមេដាយសំរិទ្ធក្នុងការប្រកួតប៊ីយ៉ាការ៉ុមលើវិញ្ញាសារ១បាំង។ អ្នកនាង ស្រួង ភាវី ជាកីឡាការិនីឆ្នើមមួយរូបក្នុងចំណោមកីឡាការិនី និងកីឡាករដទៃទៀត ព្រមទាំងទទួលបានប្រជាប្រិយភាពខ្ពស់ពីអ្នកគាំទ្រផងដែរ៕