បុរសម្នាក់ចូលព្រៃបេះបន្លែត្រួយព្រិច ជាន់មីនផ្ទុះ​ បណ្តាលឲ្យរបួសដាច់ជេីង

បុរសម្នាក់ដោយសារជីវភាពខ្វះខាត សុខចិត្តចូលព្រៃបេះបន្លែត្រួយព្រិច និងរកសត្វយកមកធ្វើម្ហូបដើម្បីចិញ្ចឹមជីវិតចៃដន្យ​អី ស្រាប់តែដើរជាន់មីនទាន់ផ្ទុះ​ បណ្តាលឲ្យរបួសដាច់ជេីងឆ្វេង​ និងកន្លែងផ្សេងជាច្រើនទៀត។

រឿងរាវនេះកើតឡើងនៅវេលាម៉ោង ៩ព្រឹកថ្ងៃទី១៦ ខែឧសភា ឆ្នាំ២០២៣ ក្នុងចំណុចព្រៃចំការមីន​ខាងមុខទំនប់ក៥​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលប៉ុស្តិ៍ និងសមត្ថកិច្ច ឃុំអូបីជាន់ បានប្រាប់អ្នកយកព័ត៍មានឲ្យដឹងថា ជនរងគ្រោះមានឈ្មោះ លី លាក់ ភេទប្រុស អាយុ ៣៥ ឆ្នាំ រស់នៅក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

នគរបាលប៉ុស្តិ៍ និងសមត្ថកិច្ចឃុំអូបីជាន់ បានប្រាប់អ្នកយកព័ត៍មានឲ្យដឹងថា មុនពេលកើតហេតុ ក្រុមគ្រួសារជនរងគ្រោះក្រពេកបានដាច់ចិត្ត ចូលក្នុងចំការមីន​ខាងមុខទំនប់ក៥​ ដែលសំបូរទៅដោយគ្រាប់យុទ្ធភ័ណ្ឌមិនទាន់ផ្ទុះ​បន្សល់ទុកតាំងពីជំនាន់សង្ក្រាម​ដើម្បីបេះបន្លែត្រួយព្រិច និងរកសត្វយកមកចិញ្ចឹមជីវិត។ ដោយសារកន្លែងនោះសម្បូរទៅដោយគ្រាប់យុទ្ធភ័ណ្ឌ​មិនទាន់ផ្ទុះ ស្រាប់តែជនរងគ្រោះដើរជាន់មីនបណ្តាលឲ្យផ្ទុះដាច់ជេីងឆ្វេង​ និងកន្លែងផ្សេងជាច្រេីនទៀត។

នគរបាលប៉ុស្តិ៍និងសមត្ថកិច្ច ឃុំអូបីជាន់ បានប្រាប់អ្នកយកព័ត៍មានឲ្យដឹងបន្តទៀតថា ក្រោយពេលកើតហេតុ សមត្ថកិច្ចនិងមន្ត្រីមូលដ្ឋាននិងក្រុមគួ្រសាររបស់ជនរងគ្រោះ បានដឹកជនរងគ្រោះតាមរថយន្តសង្គ្រោះបញ្ជូន​ ទៅសម្រាកព្យាបាលនៅមន្ទីរពេទ្យបង្អែកមិត្តភាព​កម្ពុជា​ ជប៉ុន​ ស្រុកមង្គលបូរី ដើម្បីសង្គ្រោះបន្ទាន់ផងដែរ ទិដ្ឋភាពអ្នករបួសមានសភាពធ្ងន់ធ្ងរមិនដឹងថាគ្រូពេទ្យអាចសង្គ្រោះបានឬយ៉ាងណានោះទេ៕

អត្ថបទ៖ វ៉ាន់ ណាង