មកស្វែងយល់ពីតួនាទីសំខាន់ៗ៧របស់សារព័ត៌មាននៅក្នុងដំណើរការបោះឆ្នោត

សហភាពសហព័ន្ធអ្ព័នកសារព័ត៌មាន (ស.ស.ស.ក) កាលពីពេលថ្មីៗនេះ បានលើកឡើងពីតួនាទីសំខាន់ៗចំនួន៧ របស់សារព័ត៌មាននៅក្នុងដំណើរការបោះឆ្នោត។ តួនាទីសំខាន់ៗទាំងនេះ រួមមាន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ក្រមសីលធម៌សម្រាប់ប្រព័ន្ធផ្សព្វផ្សាយនៅក្នុងដំណើរការបោះឆ្នោត និងក្រមសីលធម៌របស់អ្នកសង្គេតការណ៍បោះឆ្នោត។

២. ការត្រៀមខ្លួនរបស់អ្នកសារព័ត៌មាន ទាក់ទងទៅនឹងការបោះឆ្នោត និងមុំព័ត៌មានសំខាន់ៗទាក់ទងទៅនឹងការបោះឆ្នោត។

៣. ការចាប់យកឌីជីថលនៅក្នុងការងារព័ត៌មានដើម្បីពង្រីកការផ្សព្វផ្សាយ និងអ្វីទៅសុវត្ថិភាពអ៊ីនធើណេត ។

៤. ស្វែងយល់ពីការដឹកនាំគ្រប់គ្រងអង្គភាពសារព័ត៌មាន និងការស្វែងរកទីផ្សារហិរញ្ញវត្ថុសម្រាប់ទ្រទ្រង់អាជីវកម្មសារព័ត៌មាន។

៥. ស្វែងយល់ពីកិច្ចការអ្នកនាំពាក្យ កិច្ចការសារណ: និងការងារផ្សព្វផ្សាយមហាជន។

៦. ស្វែងយល់ពីវិធីបង្ការសុវត្ថិភាពសម្រាប់អ្នកសារព័ត៌មាន ក្នុងពេលចុះបំពេញការងារ ការយល់ដឹងជាមូលដ្ឋាន របៀបដោះស្រាយលើសំណើរទាមទាការកែតម្រូវខ្លឹមសារផ្សាយ និងការដោះស្រាយបណ្តឹងនៅតុលាការ។

៧. តួនាទីសារព័ត៌មាន និងសិទ្ធិបញ្ចេញមតិ នៅក្នុងដំណើរការប្រជាធិបតេយ្យ ការកសាងសន្តិភាព និងការកសាងសង្គមស៊ីវីល័យ។

លោក ហ៊ុយ វណ្ណ: ប្រធានសហភាពសហព័ន្ធអ្នកសារព័ត៌មានធ្លាប់បានគូសបញ្ជាក់ឳ្យដឹងថា ដើម្បីឲ្យវិស័យសារព័ត៌មាននៅក្នុងប្រទេសកម្ពុជា ជាពិសេស នៅក្នុងឱកាសនៃការបោះឆ្នោតថ្នាក់ជាតិខាងមុខ មានសណ្តាប់ធ្នាប់ របៀបរៀបរយ​ និងមានភាពរីកចម្រើន ត្រូវការតួអង្គសំខាន់ចំនួន៤ នោះ គឺតួអង្គអ្នកសារព័ត៌មានផ្ទាល់ អ្នកនាំពាក្យ អ្នកកិច្ចការសាធារណ:​ និងអ្នកដឹកនាំយុទ្ធសាស្ត្រ​ព័ត៌មាន។